Euskal Ohiturak Leioan ekimenak gure kulturak berezko dituen zenbait ezagutza partekatzeko xedea du: musika eta dantzen gaineko jakintzez gain, gastronomia, jantziak, ohiko jolasak edota ingumenari buruzko jakintzak erakarri nahi ditu, "Leioako komunitatea osatzen dugun pertsonok eskaintzen dugun horren arabera beti ere", tokiko arduradunek azaldu dutenez. Duela urtebete abiatu zen ikasketa prozesu partekatua, eta hilabete batean zehar egindako hainbat ikasgunek bukaera ikusgarria izan zuten abenduan ospatutako Ikasmobean.
2012ko abenduan abiatutako Euskal Ohiturak Leioan ikasketa prozesu partekatuak aurten ere bidea egiten jarraituko du, hainbat leioaztarrek hala eskatuta. Oraingoz, Udondoko Txikiteroek, Gure Ohiturak dantza taldeak eta Haizea Hormaetxea dantzariak osatzen duten talde motorra dagoeneko aktibatu egin da, eta komunitateko beste talde eta pertsonekin ideia nagusia zabaltzeko modua bilatzen ari dira, udal iturriek adierazi dutenez. Hurrengo hitzordua larunbat honetan, urtarrilak 18, izango da, 12:00etatik aurrera Sakoneta kiroldegian. Bertan, IkasMob Solasaldi Irekia egingo dute jolas jardueren bitartez. Horretarako, herritarren parte-hartzea ezinbestekoa dela adierazi dute. Ekitaldian parte hartu nahi duenak Solasgunerekin jarri beharko da harremanetan: 944 029 780 / 635 738 931 telefono zenbakietan edo info[abildua]herrigune.org helbide elektronikoan. Argazkian, abenduan egindako Ikasmob-a / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun