Hori dela eta, ezinbestekoa ikusten dute "Bizkaiko ikasleria osoa batu, eta eraso guzti hauen kontra gaudenez, hitzetatik ekintzara igarotzea, eta herritik herriarentzakoa den hezkuntza praktikara eramanez, egungo eredua errotik irauliko duen ikasle mugimendua eztandaraztea". Horretarako, ikastetxe eta fakultate bakoitzeko gela bakoitzeko ikasle guztiei manifestu honetara (pdf) atxikitzeko eta martxoaren 27an Bilboko kaleetan "orain arte inoiz ikusitako Bizkaiko Ikasle Eztanda handienera" batzeko deia egin diete. Amaitzeko adierazi dute "onartezina den sistema eta hezkuntza hau sostengagaitza egingo duen egoera sortzera" doazela.
Gaurko agerraldiaren bideoa (cc-by Bizkaiko Ikasle Eztanda)
Martxoaren 27an Bilboko kaleetan "orain arte inoiz ikusitako Bizkaiko Ikasle Eztanda handienera" batzeko deia egin dute gaurkoan lurraldeko ikasle antolakunde eta asanblada ezberdinek. Gaur egungo hezkuntza ereduak "kapitalismoaren beste pieza bat izateko" hezten dituela salatu dute; baita "indibidualtasuna eta lehiakortasuna" sustatzen dituela ere. Gainera, azpimarratu dute, "euskalduntzea bermatzen ez duten hezkuntza ereduak" sustatzen ari direla hezigune askotan; ikasketak bere osotasunean euskaraz egin ezin izatea adibide. Ildo horretan, salatu dutenez "7 lurraldeak batzen dituen jakintza zein ikuspegi oro baztertu edo kontzeptu bezala ukatzen da, nazio bezala zapaltzearen bermeetako bat bihurtuz". Hori gutxi balitz, gaineratu dute "sexuaren gainean eraikitako generoen" arabera banatutako rol eta identitateetan hezten dituztela. Gainera, adierazi dute onartu berri den LOMCE eta "inposatuko diguten Estrategia Universidad 2015" bezalako erreformen bidez "zapalkuntza guzti hauek muturreraino" eramaten direla. Argazkian, sinbolikoki denen artean atzera kontu bat aktibatu dute gaurtik martxoak 27ra bitartean / cc-by Bizkaiko Ikasle Eztanda.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun