Gertaeren berri mugikor bitartez eman ahal izango diote herritarrek Leioako Udalari
Leioako Udalak herritarren eskura jarri du informazio tresna berria, oraingoan mugikorretan ezartzeko doako aplikazioa. Honekin, Udaleko informazioa jasotzeaz gain, leioaztarrek kalean topatzen dituzten gertakarien berri eman ahal izango dute segundu gutxi batzutan, tokiko iturriek nabermendu dutenez. Esan bezala, duda barik, deigarriena, Gerkatakarien atal berria da. Hori erabilita, herritarrek kalean aurkitzen dituzten "gertakarien" berri eman ahal izango die Udalari berehalakotasun osoz,, segundu gutxi batzutan. Beraien datu pertsonalak zehaztuz (izena, abizenak eta helbide elektronikoa), "gertakari edo matxura" horren azalpen labur bat gaineratuz, eta nahi izanez gero, argazkia gehituz. Horretaz gain, "matxura edo gertakaria" ze puntutan aurkitzen den zehaztu ahal dute erabiltzaileek, baina seguru ez badago, eta sakelako telefonoaren GPS aukera piztuta badauka, klik batekin aplikazioak, geolokalizazioa erabiliz, kooordenadak zehazten ditu, Udaletik diotenez. Argazkian, udal garabia autoa eramaten Leioan / © Leioako Udala.
Leioa izeneko aplikazioa guztiz doakoa da eta eskuragai dago jada smartphone eta tablet-entzat, iOS eta Android sistema eragileentzat, berezko on-line dendetan. Aplikazio horrek erreztasunak ematen ditu, besteak beste, albisteak jasotzerakoan, udal albisteak guztiz eguneratuta edota zaharrenak bilatzeko aukera ematen ditu aplikazioak hitz baten bidez. Honetaz gain, udal aldizkari guztiak kontsultatu daitezke, eta baita Udaleko Youtube kanala ere. Bestalde, "tresna honi esker, herritarra bera da Udalari informazioa helaraziko diona, eta horri esker matxuren konponketa arinagoa izatea ahalbidetuko dio Udalari, elkarlanean zerbitzu publikoak hobetuz", adierazi dute tokiko agintariek..
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun