Sopelako Udalak espedientea zabaldu dio tokiko langile bati, Saioa Villanueva alkatearen sinadura hainbat dokumentu ofizialetan faltsutu duelakoan. Beharginak hainbat agiritan egin omen ditu sinaduraren faltsutzeak. Hori dela eta, Alkatetzak langileari eskatu dio bere esku dauden administrazio-dokumentu guztiak agintariei ematea. "Horrela, Udalak dokumentazio guztia aztertuko du horrelako jokabideak berriro errepikatu ez daitezen", adierazi dute mandatari sopeloztarrek. Sopelako Udalak gertaera ordezkari sindikalei jakinarazi die, udal langilea langileariaren ordezkaria baita, baieztatu dutenez. Gainera, Langileria eta Udal Administrazioaren Udal Informazio Batzordean gaia aztertuko da oposizioko alderdiekin. Halaber, Udalean hartu daitezkeen neurrietaz gain, Udalak gertaera Fiskaltzari jakinaraziko dio, delitua izan daitekeelakoan, eta kasu horretan "dagokion prozedura has dezan". "Fiskaltzari gertaera hauek jakinarazteak espedientearen tramitazioa gelditzea dakar. Espedientea berriro ere abiatuko da garatu daitezkeen prozedura judizialak amaitzen direnean", amaitu dutenez. Argazkia: © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun