Kapituluen araberako azterketan jasota dago EHUk honela antolatuko dituela aurrekonytu sailak: langileei lotutako gastuetarako, 290,48 milioi euro (aurrekontuarne %73,46 eta iaz baino %0,76 gehiago); gastu arruntetarako, 76,72 milioi euro (%19,4 eta %0,65 gehiago); inbertsioetarako, 21,63 milioi euro (%5,47 eta %5,98 gutxiago); zorra amortizatzeko saila, 1,18 milioikoa izatetik 2,46 milioikoa izatera aldatu da (%108,38 gehiago).
Gainerakoa, aurrekontu osoaren %1, honako hauetan erabiliko da: finantza gastuetan, transferentzietan, diru laguntzetan eta Gizarte Kontseiluan. Gizarte Kontseiluaren zuzkidura 215.402 eurokoa da, 2013ko bezalakoa, eta hori unibertsitate-aurrekontu osoaren %0,05 da.
Beste erabaki batzuk
Bestalde, Gizarte Kontseiluaren osoko bilkurak beste erabaki batzuk ere hartu ditu, hala nola EHUk Novia Salcedo Fundazioko patronatuan parte hartzea; Barakaldoko Meatzeen eta Herri Lanen Ingeniaritza Teknikoko Unibertsitate Eskolaren eraikin zaharra unibertsitate zerbitzu publikotik kentzea eta Barakaldoko Udalari eraikina itzultzea; eta tasa akademikoak kredituko 1,50 eurokoak izatea "Ikerketa praktiketarako programa aurreratua (Nazioarteko Ikasketak), 6. aldia" osagarrian.
Azkenik, osoko bilkurak aurrekontuetan hainbat gauza aldatzea onetsi du, eta irakasleen eta ikertzaileen ordainsari osagarriei buruzko ebazpenak gauzatzeari buruzko hainbat akordio ere hartu ditu.
Euskal Herriko Unibertsitateko (EHU) Gizarte Kontseiluaren osoko bilkura Bilbon bildu da gaur, urtarrilaren 22an, eta EHUko 2014ko ekitaldirako aurrekontua onartu du, Europa Press albiste agentziak zabaldu duenez. Guztira, 395,38 milioi euroko aurrekontua da, beraz, aurreko ekitaldian (392,96 milioi euro) baino 2,4 milioi gehiago, hots, %0,62ko gehikuntza, azken lau urteetan lehena, hain zuzen ere. Gizarte Kontseiluaren osoko bilkurak aipatutako kontuak onartu ditu, honako hauek aztertu ondoren: batetik, 2013ko azaroaren 19an EHUko Gobernu Kontseiluak onartu zuen Aurrekontu Proiektua eta, bestetik, Gizarte Kontseiluaren Ekonomia eta Finantza Batzordeak Proiektu horri buruz igorri duen txostena. Txosten horretan, Ekonomia eta Finantza Batzordeak berritasun nagusiak eta kapituluen, programen eta gastu unitateen araberako finantza arloko azterketa zehatza jaso ditu, bai eta zenbait alderdi hobetzeko gomendio batzuk egin ere. Argazkian, Leioa eta Erandioko campuseko irudi bat / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun