Igande honetan, urtarrilak 26, Sopelako preso politikoen inguruko hitzaldia izango da Sekeko gaztetxean. "Enpatizatu egiten dugu, manifestazioetan, herriko tabernetan, argazkitan ikusten ditugun haiekin eta euren familiekin. Hala ere, gehienok ez ditugu gure herriko preso horiek ezagutzen, eta haien egoeraz ezer gutxi dakigunez, gutun bat idazteko ere, urrunegi sentitzen gara", azaldu du Gazte Asanblada Sopeloztarrak (GAS). Horregatik, "fisikoki lortu bitartean, bihotzetatik gerturatzeko", solasaldia izango da Sekekon, aipatu egunean, 19:00etatik aurrera. Sopelako presoen senideak izango dIRA bertan, baita preso ohiak ere, gaineratu dutenez. "Egun, bakoitzak kartzelan duen egoeraz eta izandako oztopoez gain, pertsona bera ezagutarazteko asmoz", amaitu du GASek. Egun berean egiten dute "Domeka beroak" ekimena. Horrenbestez, hanburgesa goxoak ere izango dira zentro sozial autogestionatuan. Argazkian, presoen inguruko mobilizazioa Sopelako udaletxe aurrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun