"Izan ere, modu aktiboan hartu dute parte Urdulizen gaztelekua sortzeko asmoz egin den prozesu osoan. Lehenengo, Udalak partaidetza prozesua sustatu zuen duela urtebete baino zertxobait gehiago, eta 60 gaztek baino gehiagok egin zituzten proposamenak, nolako gaztelekua nahi zuten adieraziz. Ondoren, proposamen horiek dokumentu batean jaso ziren, eta proiektuan lan egin duen arkitekto-taldeari eman zitzaion, kontuan hartuak izan zitezen behin betiko proiektua diseinatzeko orduan eta gaztelekuaren guneak atontzeko orduan. Gazteleku berriaren lehenengo diseinua egin ostean, berriro egin zitzaien dei gazteei, proposamena erakusteko. Gainera, lokalaren kudeaketari, erabilerarako ordutegi posibleei eta abarri buruz ere hitz egin zitzaien. Lortutako ulermenari esker, gaztelekua egiteko proposamena zehaztu zen, eta, datorren udatik aurrera, proposamen hori gauzatu egingo da", azaldu dute.
Lau gune handi
Lokal berriak lau gune handi izango ditu: bat, teknologiarekin erlazionatutako gauzetarako (bideokontsolak, ordenagailuak, musika...); beste bat, mahai-jokoetarako eta irakurketarako (liburuak, kartak, damak, monopolia...); beste bat, taldekako jokoak egiteko (ping-ponga, billarra, futbolina...); azkenik, erabilera askotarako gune bat egongo da, eta, bertan, jarduera bereziak egin ahal izango dira: tailerrak, zinema, dantza eta abar. Gainera, Gaztelekuak eskalatzeko boulderra ere izango du aurreko fatxadan.
Eleizalde kaleko plazatxoko eraikina gazteleku bihurtzeko lanak martxan daude Urdulizen. Lehen, eraikin hori eskola gisa erabiltzen zen, eta, azken urteotan, Udalak antolatutako tailer ugari egin izan dira bertan. Une honetan, beharginak lanean ari dira, eraikina bere zeregin berrira egokitzeko; hau da, Urdulizko Gaztelekua bertan egiteko, tokiko iturriek baieztatu dutenez. Lanen ondorioz, "funtzio asko izango dituen eraikin malgua" lortuko da. Hiru solairu izango ditu, eta gaztelekuak, batez ere, solairu nagusia hartuko du, lehenengoa hain zuzen ere. "Izan ere, eraikinaren prestazioak ahalik eta gehien aprobetxatzeko asmoz, herriko kolektiboek erabiliko duten espazioa ere izango du eraikinak. Dena dela, oraindik ere, espazio horren funtzionamendua definitu gabe dago", udal arduradunek gaineratu dutenez. Neurri handi batean, gaztelekuaren ezaugarriak "Urdulizko gazteen inplikazioari esker" definitu ahal izan direla nabarmendu dute Udaletik. Tokiko erakundeak 514.000 euro (BEZa barne) inbertitu ditu proiektu horretan. Argazkian, gaztelekuko lanak gaur egun / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun