Leizaola Fundazioa izan da lehiaketaren antolatzailea, Eusko Jaurlaritzaren, Bizkaiko Foru Aldundiaren eta Metro Bilbaoren parte hartzearekin eta "Deia" egunkariaren eta Artea merkataritza gunearen laguntzarekin. Epaimahaikideak, Cristina Sarduy Bizkaiko Foru Aldundiko Genero Politiketarako idazkari teknikoa, Susana Palomino Metro Bilbaoko Marketing zuzendaria, Jon Lazkano Leioako Udaleko Kultura, Kirola eta Gazteria zinegotzia, Patxi Zubiaur Leizaola Fundazioko idazkaria eta Estitxu Amilibia Artea merkataritza guneko zuzendariordea izan dira.
Leizaola Fundazioak Berdintasuna 2013 sariak banatzeko ekitaldia egingo du ostiral honetan, urtarrilaren 24an, Leioako Artea merkataritza gunean. Ekitaldia 19:00etan hasiko da eta Daniel Ross magoak girotuko du musika eta emanaldi harrigarri batekin, antolatzaileek jakinarazi dutenez. Lehiaketan Bizkaiko 10 eta 14 urte bitarteko neska-mutilek parte har zezaketen, eta guztira, 4.000tik gora ikasle aurkeztu dira. Idazlanak aurkezteko epea irailaren erdialdean hasi eta abenduaren 5ean amaitu zen. Parte hartzaileek, idazlan, gutun edo ipuin baten bidez, genero perspektibari buruz duten ikuspegia adierazi behar zuten, emakumeak eta gizonak bizitzaren eremu guztian berdintasunean aurkeztuz. Jasotako lan guztietatik epaimahaiak euskarazko eta gaztelaniazko ataletan onenak zirenak hautatu zituen. Batzuk zein besteek ordenagailu eramangarria jasoko dute, bigarren sailkatuek erabilera anitzeko e-book bana, eta hirugarrenek lau GBko mp3 erreproduzitzaile bana. Argazkian, ohiko rol banaketa desmuntatzen laguntzea ere badu xedea lehiaketak / cc-by Espabilauak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun