Kalera ez ezik, eskualdeko udaletxeetara ere jotzeko asmoa adierazi zuten, lehenengo hitzordua bihar bertan jarri dutela, Negurin. Izan ere, arratsaldeko 5etatik aurrera, Getxo udalerriko Udalbatza abiatuko da, besteak beste PPk bakarrik defendatzen duen abortuaren legearen aurkako bi mozio izango direla. Lehenengoa EAJk aurkeztu du eta bigarrena Bilduk eta PSE-EEk adostu dute.
Uribe Kostako Koordinadora Feministaren mezua osorik
Manifestazioa iruditan
Uribe Kostako Koordinadora Feministak deituta, 220 bat lagunek erabateko errefusa adierazi zioten pasa den ostiralean Espainiako Gobernua darabilen Abortuaren Legea aldatzeko aurreproiektuari. Martxa Areetan zehar egin zuten, eskualdeko gune kontserbadoreenetariko batean, eta bertan Gobernuak Eurolegebiltzarrerako hauteskundeen ostera atzeratu behar izan duen legea gogor salatu zuten, orain 28 urtekoak baino zirrikitu gutxiago uzten baitie emakumeei legearen barruan haurdunaldia eteteko. Feministek nabarmendu zutenez, proiektua lege bihurtzekotan, bi aukera besterik ez lirateke izango: "bortxaketa bat jasan izana, edo haurdunaren osasun fisikoari edo psikikoari kalte larria eragitea. Malformazioak ez dira zuzenean abortatzeko arrazoi izango". Manifestazioan zehar, Eliza Katolikoaren jarrera kritikatu eta Alberto Ruiz Gallardon Justizia ministroaren atzeraeraginezko abortua eskatu zuten, Pussy Riot Errusiako punk talde feminista errepresaliatuaren doinu pean. Antolatzaileek mobilizatzera deitu zuten: "eraiki dezagun emakume libreen lurraldea egunero, gure eskubideen aldeko harresiak altxatuz". Argazkian, manifestazioaren burua Areetako Mesedeetako Ama elizaren aurretik igarotzean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun