Bisita aprobetxatuta, Tonuccik zenbait aktibitate zuzenduko du egunotan. Alde batetik, asteazkenean, urtarrilak 29 (10:00etan), Leioako Umeen Kontseiluarekin batuko da, Ondiztorreko egoitzan, beraiek azal diezaioten zer lan egiten ari diren Udalarekin batera.
Ostegunean, hilak 30 (10:00etan), Bizkaiko Foru Aldundiak, Innobasquek, Eusko Jaurlaritzak, Euskal Herriko Unibertsitateak eta Solasgunek antolatuta, Bizkaia Aretoan, Ikas-ingurune Komunitarioen Laborategiaren eta Haurren Hirien Sarearen aurkezpen jardunaldia izango da. Bertan, Tonuccik hitz egingo du, esperientziak bateratzeko eta gure lurraldean sor daitezkeen eredu berriei laguntzeko.
Azkenik, urtarrilaren 31n eta otsailaren 1ean, Francesco Tonuccik prestakuntza ikastaroak emango ditu Ondiztorren, hezkuntza, politika eta gizarte arloko eragileei zuzenduak bereziki, gaian sakontzeko eta italiarraren filosofia eta lana hurbiletik ezagutzeko.
Francesco Tonucci pedagogo eta marrazkilari italiar ezaguna Leioan izango da aste honetan, Herrigune egitasmoa hurbiletik ezagutzeko. Halaber, Haurren Hirien Sarea aurkezteko antolatu diren zenbait ekitalditan parte hartuko du, atzo emandako prentsaurrekoan Mari Carmen Urbieta alkateak eta Pedro Blanco Solasgune enpresako arduradunak jakinarazi zutenez. Tonuccik proposatzen du umeek aktiboki parte hartzea hirien kudeaketan. Bere liburuak, “La cittá dei Bambini” izenburua duenak, Italia eta Hegoamerikako zenbait hirik oinarri hartu duten filosofia hHori azaltzen du. pedagogo italiarraren "oinarrizko ideiak oinarri harturik, Leioak duela 13 urte hasi zuen Herrigune proiektua, hau da, hezkuntza eta ikasketa prozesuak Leioako komunitate identitatearen eta hiri-eraikuntzaren ardatz garrantzitsu bihurtu", azaldu zuen Urbietak. Udal agintari leioaztarraren hitzetan, "herri / hiri atseginagoa eta guztiak bizi ahal izateko errazagoa" lortuko genuke umeak horren antolaketan eta kudeaketan parte hartzen utziz. Leioako Udaletik eta beste eragile batzuk (EHUren campusa, Innobasque, Solasgune, Bizkaiko Foru Aldundia Eusko Jaurlaritzaren Hezkuntza Berriztatzeko atala) elkarlanean ari dira Ikas-ingurune Komunitarioen Laborategiaren sorkuntzan, Leioako Herriguneren esperientziaz baliatuz. Laborategiak Tonucciren proposamena sustatu nahi du, hau da, Haurren Hirien Sarea antolatu, bultzatu eta koordinatzea, eta sare horren egoitza Leioa izendatu, "Leioak duen ibilbidea dela-eta". Argazkian, Francesco Tonucci jardunaldi batzuetan / cc-by-nc Galería del Anteproyecto de Ley de Salud Pública.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun