Erandioko Udalak "ordainketa nahierara" ezarri du. Sistema horri esker, pagatu beharreko zergen urteko zenbatekoa zatikatuta (bi epetan) ordaintzeko aukera eskaintzen da, inolako interesik ez kostu gehigarririk gabe, tokiko iturriek zehaztu dutenez. Horien artean Trakzio Mekanikoko Ibilgailuen gaineko Zerga eta "espaloi-pasabideak" daude. Pixkanaka, sistema horren bitartez, ordaintzeko tasa eta zerga gehiago jarriko dira. Udalerriko biztanlea izan edo ez, ordainketa zatikatu nahi duen edozein pertsonak erabil dezake modalitate berria, Erandion bizi edo ez, betiere, interesdunak ez badauka ordainketa-zorrik aldi exekutiboan, udal arduradunek azaldu dutenez. Zatikatzea gauzatu ahal izateko eskatzen den betekizun bakarra da helbideratzeko banku-kontua ematea eta herritarrek udal webgunean deskargatu dezaketen (pdf) edo udaletxean bertan jaso dezaketen eskabidea betetzea. Behin hori eginda, Erandioko udaletxean entregatu behar da. "Modalitate hau urtarrilean eta otsailean zehar aukeratzen dutenek 2014an egin ahal izango dute zatikatutako ordainketa. Data horren ondoren, zatikatutako ordainketa 2015ean sartuko da indarrean", zehaztu dutenez. Argazkian, Erandioko metro geltoki ingurua artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun