Gurasotasun Politikaren markoaren barruan, otsailaren 12rako (asteazkena) "Jolasaren eta aisialdiaren garrantzia familian" lelopeko formazio saioa antolatu du Leioako Udalak, Etxadi Familia Psikologiaren Unibertsitate Zentroaren bitartez. Ekitaldia 18:00etan izango da, Kultur Leioako laugarren solairuan. 2 eta 9 urte bitarteko umeen gurasoekin egingo den hitzaldi / hizketaldi horretan jolasa zer den azaldu nahi dute, hitz horren zentzurik zabalenean (gozamena, askatasuna, fikzioa, esfortzua…): "Jolasak, bai bakarka, bai familian, eragin positiboa du adinez txikiaren garapenean, eta abiapuntu hori dagoela, garapen psikomotor, intelektual, sozial, afektibo-emozionalean eta abarretan nola eragiten duen aztertzen da", azaldu dute udal iturriek. Azkenik, gurasoek seme-alabekin pasatzen duten aisialdia antolatzeko edota planifikatzeko gako batzuk jakinaraziko dira. Tokiko arduradunek gaineratu dutenez, gehienez 20 pertsona izatea komeni da formatzaileekiko elkarreragintza handiagoa izateko. Horregatik izen-ematea egin behar da, honako telefono honetan: 946 072 576. Argazkian, hainbat neska-mutil ipuin kontalari saio batean / © Barrikako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun