Gaur goizean, EAEko Nekazaritza eta Elikadura Politikako Batzordearen bilera egingo dute Leioako Mendibile jauregian, Bizkaiko Foru Aldundiko iturriek jakinarazi dutenez. Zehaztu dutenez, batzarra, "arloan eskumena duten erakundeentzat" da, "hau da, Bizkaiko, Gipuzkoako eta Arabako aldundientzat eta Eusko Jaurlaritzarentzat interesgarri diren gaiak aztertuko dira". Nekazaritza eta Elikadura Politikako Batzordea EAEko erakunde arteko organo bat da, nekazaritza eta elikadura arloko politikak diseinatzen dituena eta arlo horietan jarduteko proposamenak egiten dituena. Gauzak horrela, Araba, Bizkaia eta Gipuzkoako Nekazaritza hiru diputatuek eta arlo horretako Eusko Jaurlaritzaren sailburuordeak parte hartuko dute bileran. Argazkian, barazzki saltokia eskualdeko azoka batean / © Sopelako Udala.
Honako hauek dira, besteak beste, gaur aztertutako gai nagusiak: Landa-garapenerako Plana (2007-2013); administrazioen funtsen beste beharrizanak; Nekazaritza eta Basoak Antolatzeko Lurraldearen Arloko Plana, prozesuaren gaur egungo egoera eta jarraitu beharreko urratsak; Elikadura Katea Kontrolatzeko Plana; eta pentsuen urteko programa eta 2013ko emaitzen eta 2014ko programaren aurkezpena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun