Sopelarako izen ematea otsailaren 14ra arte edota 250eko partaideen kopurua osatu arte egongo da zabalik. Federatuak ez direnentzat, izen emate epea otsailaren 6tik, otsailaren 12era (asteazkena) izango da. Federatu eta ez federatuen arteko beste diferentzia bat ordaindu beharreko diru-kopurua izango da. Lehenengoek 20 euro jarri behar dituzte eta besteek, ordea, 30 euro. Izen emateak Triatloi.org Euskadiko Triatloi Federazioaren web gunearen bitartez bete daitezke. Informazio osagarria nahi duenak honako telefonoetara jo dezake: 687980069 (Ekain) edota 687729897 (Iñigo). Era berean, Hirubi triatloi elkartearen posta elektronikora, info[abildua]triatlonsopelana.org-era, idatz dezake.
Uribe Kostari dagokionez, Sopelakoa da oraingoz data finkoa duen proba bakarra, ohiko beste lasterketak behin behinean baino ez daudela jarrita. Gauzak horrela, Gorlizko triatloia ekainaren 8an litzateke; Getxoko Extreme-Man 113 triatloiak uztailaren 5eko data du gordeta; Plentziako akuatloia uztailaren 12an burutuko litzateke; eta, azkenik, Agustin Ugarteren omenezko triatloi olinpikoa hartuko luke Getxok uztailaren 26an.
Behin-behineko egutegia (Espainolez)
Duatloi, triatloi eta akuatloi denboraldia hastera doala ohartarazi du Euskadiko Triatloi Federazioak (ETF). Kirol erakundeak pasa den igandean egin zuen ohiko Batzar Nagusia Durangoko Plateruena Kafe Antzokian eta bertan aipatu kirolek Hego Euskal Herrian dituzten egutegiak izan zituen hizpide, epaileak formatzeko ikastaroekin batera. Aurtengo 47 probetatik lehenengoa larunbat honetan, otsailak 8, burutuko da, Ermuan. Bertako V. sprint duatloia arratsaldeko 4etan abiatuko da, atletek bost kilometroko lasterketa, beste 20 kilometro bizikletaren gainean eta azken 2,5 kilometro korrika egin beharko dituztela. Finkatutako hurrengo proba Hirubi triatloi elkarteak antolatzen duen Sopelako duatloiaren bederatzigarren edizioa izango da, hilaren 15ean. Sopelako zirkuituan, ohi bezala, 5,2 kilometroko ibilbidea osatu beharko dute atletek, korrika, Sopelako herrigunean prestatutako zirkuituari buelta bi emanez. Ostean, bizikleta hartu eta Urdulizeraino joango dira parte-hartzaileak, Barrika eta Plentziatik igaroz, bertara helduta bueltako bidea hartzeko. Guztira, 19,2 kilometro. Azkenik, hasierako zirkuituari buelta bakarra (2,5 kilometro) eman beharko diote, berriro ere lasterka. Dagoeneko, izena emateko aukera zabaldu dute federatutako atletentzat. Federatuta ez daudenek ostegunera arte itxaron beharko dute. Argazkian, ETFko batzarra Plateruenan / © Jon Alegria Uzkudun - Euskadiko Triatloi Federazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun