Olinpiadaren lurralde mailako hiru irabazleek Meatzaritzaren Museoa Fundazioak eta Euskal Kostaldea Geoparkeak emandako sariak jaso dituzte dagoeneko. Gauzak horrela, irabazleek Euskal Kostaldeko Geoparkeko flyscha ikusteko itsasontziz bisita gidatu batez gozatu ahal izango dute bina bidaiderekin batera. Bestalde, Euskal Herriko meatzaritzaren museoak sarrerak banatu dizkie.
Era berean, martxoaren 29an eta 30ean Toledon jokatuko den Espainiako V. Geologiako Olinpiadan parte hartzeko sailkatu dira irabazle bizkaitar eta gipuzkoarrak. Ondoren, estatu mailako onenek, udazkenean Vermont-en (Ameriketako Estatu Batuak) jokatuko den Nazioarteko Geologiako Olinpiadan parte hartzeko aukera izango dute.
Leioako Irlandesas ikastetxeko Nerea Diaz Ros eta Azpeitia eta Azkoitiako Urola ikastola Bigarren Hezkuntza Ikastetxeko Eneko Iturbe Otermin eta Karitina Alberdi Etxabe izan dira EHUko Zientzia eta Teknologia Fakultatean burutu den Geologiako VI. Olinpiadaren EAEko irabazleak, epai-mahaiak berriki jakinarazi duenez. Edizio honetan, Euskal Autonomia Erkidegoko hamar ikastetxetatik etorritako Batxilergoko 24 ikaslek hartu zuten parte eta urtarrilaren 17an bi froga egin behar izan zituzten; lehenengo teorikoa izan zen eta bigarrena, berriz, praktikoa. Lehenengoan, batxilergoan ematen diren Geologiako gaiei loturiko galdera batzuk erantzun behar izan zituzten, eta proba praktikoan, berriz, arroka, mineral eta fosil mota desberdinak identifikatu. Argazkian, Barrikako geologia ondarea erabili zuen EHUk olinpiadak iragartzeko / © Imanol Artolazaga - Barrikarqueologia.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun