Raspas Arraunek bost arraunlari eraman zituen Sevillako txapelketara. Andaluziako hiriburuak XIII. Espainiako Arraun-Ergometroko Txapelketa ere hartu zuen egun bat lehenago, larunbatean. Bertan, Virginiaz gain, Marcos Morales (skiff absolutua), Patricio Garcia-Solis (skiff gazte maila) eta Ibon Palencia zein Iñigo Terreros (skull bikoitza, kadete maila) ere izan ziren.
Iraupen-estropadako Espainiako Txapelketaren ostean, datorren martxoko azken asteburuan, 29 eta 30ean, Banyolesen (Katalunia) egingo den Irekia izango da Virginia Diazen hurrengo helburua. Bertan espainiar selekziorako txartel zuzena emango liokeen garaipena lortzen saiatuko da.
Virginia Diaz Rivas Areetako Raspas arraun elkarteko arraunlariak brontzezko domina lortu berri du iraupen-estropadan, Kluben arteko Espainiako V. Txapelketan, Neguko Trialean. Txapelketa pasa den igandean jokatu zen, Sevillako Cartujan. Metala 6 kilometrotako skiff modalitatean irabazi zuen, emakumezkoen maila absolutuan. Txapelketan 308 kirolarik hartu zuten parte, Euskal Herria, Espainia, Moldavia eta Israelgo 35 klubetakoak. Areetako taldeko kirolariak lortutako brontzeak "balio are handiagoa dauka, probara fisikoki erabat ahulduta iritsi baitzen, sukar-egoerak eraginda", Raspas elkarteak azpimarratu duenez. Urrezko eta zilarrezko dominak Nuria Dominguez andaluziarra eta Anna Yuchenko espaniartutako errusiarrarentzat izan ziren, hurrenez hurren. Argazkian, Diaz domina jantzita / © Raspas arraun elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun