Horrela, arinago jardun ahal izango dugu zuen laguntzarik gabe, seguru asko, kontziente izango ez ginatekeen gaietan. Guztion artean hiria eraiki eta zaintzeko tresna berria da. Hori esanda, aplikazioa erabiltzeko gonbitea luzatzen dizuet, leioaztarrengatik eta leioaztarrentzat pentsatua baitago.
Mari Carmen Urbieta Gonzalez Leioako alkatea
Askotan, konturatzen gara herritarrek eurek bultzatzen dituztela gure zerbitzuetako hobekuntzak. Zuek zarete, zuen ekarpen eta oharrekin, udal zerbitzuei matxurez edo kaleetako zenbait egoeraz informatzen diezuenak, beti ez baititugu guk geuk antzematen. Gure begiak zarete. Hori dela-eta, komunikazio tresna berria abiarazi dugu, beste gauza batzuen artean, komunikazioa sendotzeko balio duena, baina ez bakarrik Udaletik herritarrongana, baita alderantziz ere: zuek zeuek, herritarrok, Udalera informazioa bidali ahal izateko. Aplikazio erraz baten bitartez, zuen mugikor eta tabletetara jaitsi dezakezuena, udaleko albisteak eta bestelako informazio erabilgarria jaso ditzakezue, hala nola, telefonoen zerrenda edo gure sare sozialetarako sarbidea. Gainera, udal zerbitzuei informazioa bidali ahal diezue kaleko gertakariez ohartarazteko. Argazkian, Mari Carmen Urbieta Leioako alkatea / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun