Estatu mailako lehiaketa
Hiru irabazleak Estatu espainol mailako lehiaketan parte hartu ahal izango dute. Aurten, Requenan (Valentzia) burutuko da txapelketa hori, martxoaren 27tik 30era. Bertako lehenengo sei sailkatuek nazioarteko talde olinpikoa osatuko dute Nazioarteko 55. Matematikako Olinpiadan lehiatzeko, uztailean, Lurmutur Hirian (Hegoafrika). Era berean, sei horiek, irailean Hondurasen ospatuko den Matematikako 29. Olinpiada Iberoamerikarrean ere parte hartzeko hautagaiak ere izango dira.
Bestalde, ikasturte honetan ere, ohi bezala, EHU matematikei buruzko tailerrak burutzen ari da, asteazkenero, 17:00etatik 18:30etara, EHUko Bizkaiko Esperientzia Geletan. Matematiketan interesa duten ikasle guztiek parte har dezakete tailer horietan eta, era berean, olinpiadetarako prestatzeko ere balio dute. Honako hau, urterik urtera sendotzen doan ekimena da, matematikei buruzko zaletasuna konpartitzen duten ikasleen topagunea baita.
Javier de la Bodega Domingo-Aldama Artatza-Romo DBH institutuko ikasleak irabazi du EHUk burututako Matematikako Olinpiada. Bigarren saria Eskolapios Ikastetxeko Martin Ortiz Ramirezek eraman du, eta hirugarrena, Portugaleteko Andra Mari Ikastetxeko Iñigo Martinez Gomezek. Horiek horrela, hiru bizkaitarrek osatu dute EAEko Matematika Olinpiadaren podiuma. Probak EHUko Zientzia eta Teknologia Fakultatean burutu ziren pasa den urtarrilaren 17an, eta bertan batxilergoko 42 ikaslek parte hartu zuten. Espainiako Matematika Elkarteak hiru ikasleak sarituko ditu, bazkide-ikaslearen urteko kuota ordainduz eta diploma batez. Kuotari esker, besteak beste, Matematika elkartearen "La Gaceta" aldizkaria urte betez jasoko dute. Ikasleek saio bitan aritu ziren pasa den urtarrileko probetan. Saio bakoitzean hiru problema ebatzi behar izan zituzten eta, gehienez, hiru ordu eta erdi izan zituzten hiru ariketa horiek ebazteko. Froga horietan idazteko eta marrazteko tresnak baino ezin izan zituzten erabili, hau da, kalkulagailuak, aparatu elektronikoak, telefono mugikorrak, liburuak, taulak eta bestelako dokumentuak debekatuta egon ziren. Argazkia: © Artatza-Romo institutua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun