Era berean, Eusko Jaurlaritzako Larrialdiei Aurre Egiteko eta Meteorologiako Zuzendaritzak denboralea eta haize bortitza direnean herritarrei egiten dizkien gomendioak, ondorio txarrak saihesteko eta ahal beste murrizteko. Haize handiko uneetan ondo itxi behar dira eta segurtatu ateak, leihoak eta toldoak; loreontziak eta kalera eror daitezkeen objektu guztiak kendu; aldamioak, garabiak eta obretako gainontzeko elementuak segurtatu, ez piztu inolako surik eta aldendu erlaitz, horma, zuhaitz edota publizitate paneletatik eta kontuz ibili eraikitzen ari diren edo egoera txarrean dauden eraikinen aldamenetik igarotzerakoan.
Kostaldeko arriskuko uneetan agintaritza eskudunek emandako jarraibideak eta aholkuak bete behar dira; hondartzetatik, baita haize indartsuen eraginez sor daitezkeen olatuen eragina jasan dezaketen bestelako guneetatik ere aldendu; ez erabili itsasontzirik eta egiaztatu ondo amarratuta daudela. Ez egin inola ere uretako kirolik; ez sartu itsasora ezertarako; urrundu olatuak lehertzen diren lekuetatik (arrokak, kai-muturrak, moilak) eta ez joan itsas-pasealekuetara, kai-muturretara edo labarretara. Itsasoak eraman egin zaitzake.
Larrialdiren bat izatekotan, honako telefono zenbaki hauetara deitu behar da: 944 660 202 (Getxoko Udaltzaingoa) eta 112
(SOS Deiak).
Iragarpenen gaurkotzeak eta iragarpenak Euskalmeten (http://www.euskalmet.net) bitartez segitzea gomendatzen eta kasu hauetan, bereziki Twitteren (@Euskalmet) bidez.
Eusko Jaurlaritzaren Segurtasun Sailak haize-alerta laranja abiaraziko du ageriko tokietan, gaur, ostirala, 21:00etatik, biharko 09:00etara. Horren ondorioz, Getxo Kirolak udal erakundeak Algortako Fadura eta Itzubaltzeta / Romoko Gobela kiroldegietako kanpoko instalazioak itxiko ditu, aipatu orduetan. Bestalde, itsas bazterreko eta olatuen altueragatik larunbateko 15:00etatik asteleheneko gauerdira iragarritako alerta laranjaren ondorioz, eta olatuaren altueraren arabera, oinezkoen igarotzea murriztuko da Arriluzeko moila osotik eta Ereagako pasealekutik, Turismo Bulegoko egoitzatik Algortako Portu Zaharrera arteko zatian; baita zirkulazioa Ola jatetxetik Portu Zaharrera ere, bi norabideetan. Itxiera, larunbateko 22:30etik igandeko 01:30era bitartekoa izatea espero da, baita igandeko 11:00etatik 14:00etara ere, udal iturriek zehaztu dutenez. Getxoko Udaltzaingoa eta Babes Zibila aipatutako tokian izango dira prebentzio neurri bezala eta kolaborazioa eta Larrialdiei Aurre Egiteko Zuzendaritzak kaleratutakoari jarraitzea ere eskatzen dute. Bestalde, Leioako Udalak jakinarazi du gaur arratsaldean ere Sarrienako instalazioetan kirol jarduerak bertan behera geratu egin dira haize bortintzengatik alerta naranja aktibatu delako. Argazkian, hainbat gomendio luzatzeaz gain, larrialdirik egonez gero 112 telefono zenbakira deitzea aholkatu du Jaurlaritzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun