Eusko Jaurlaritzaren Larrialdi eta Meteorologiako Zuzendaritzak, ondorio negatiboak saihestu eta arintze aldera, gomendio hauek eman dizkie herritarrei:
- Bete agintaritza eskudunek emandako jarraibideak eta aholkuak.
- Ez bainatu itsasoan.
- Urrundu olatuak lehertzen diren lekuetatik (arrokak, kai-muturrak, moilak); bereziki, itsasgoran.
- Ez joan itsas-pasealekuetara, kai-muturretara edo labarretara. Itsasoak eraman egin zaitzake.
- Ez erabili itsasontzirik eta egiaztatu ondo amarratuta daudela.
- Ez egin inola ere uretako kirolik.
Kontsulta ezazu informazioa Euskalmeten web-gunean (www.euskalmet.euskadi.net) edo Twitterren (@Euskalmet). Larrialdietan, deitu 112 zenbakira.
Eusko Jaurlaritzaren Segurtasun Sailak alerta laranja ezarri du kostaldean, gaur 06:00etatik bihar 06:00ak arte, 6 metrorainoko altuera izan ditzaketen olatuengatik. Euskalmet Euskal Meteorologia Agentziaren iragarpenen arabera, Atlantikoko beste depresio batek Bizkaiko Golkoa zeharkatuko du eta EAEri eragingo dio. Gainera, depresio horrek 110 km/h-rainoko ipar-mendebaldeko haizea ekarriko du kostaldera, baita tenperatura eta elur-maila txikiagoak ere. Halaber, horrekin lotutako fronte batek prezipitazio ugari eragingo ditu gaur, eta ekaitz eta txingor arriskua. Itsasgora 14:18ean izango da, eta 3,41 metroko altuera estimatuarekin. Bestalde, elur-maila jaitsi egingo da. Hala, eguerdian 800-900 metrokoa izango da eta arratsaldean 700-800 metrokoa, baita 600 metrokoa ere, zenbait momentutan. Argazkian, hainbat neska aterki azpian, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun