Hala ere, egikaritze proiektua behin betiko onartu dute eta laster Getxoko birika berde handienetako bat den zonaldean garabien eta porlanaren pilatzea ikusteko arriskuan gaude.
Ibarbengoaren inguruan egindako guztiaren desinformazioa eta gestioa ez da kasualitatea, ondo pentsatutako estrategia baizik. Oztopo burokratiko guztiak eta desinformazioaren estrategia ondo erabili dituzte, hiru urtez itxita daraman metro geltokiari aparkalekua eta errepidea gehitu ahal izateko. EHBildutik salatu nahi dugu EAJ dela horren guztiaren erantzule nagusia, bai Udaletik zein Jaurlaritzatik desinformazioaren estrategia erabili duelako proiektua bere kabuz, auzokideei bizkarra emanez, aurrera eraman ahal izateko. Zergatik ezin dute justikatu parkingaren beharra eta ingurugiroan izango duen eragina? Ba al du justifikaziorik? Zer ezkutatzen dute hiru urtez itxita daraman Geltokiaren atzean?
Getxoko EHBildu
Getxoko EHBildu: "Ibarbengoako aparkalekua: justifikazio eta ingurugiro txosten barik badator, kontuz!"
Beste behin ere, EAJk argi utzi du ez duela gauzak gardentasunez egiteko asmorik Getxoko Andra Mari auzoan. Orain hilabeteak salatu bezala, Ibarbengoako geltoki fantasmaren irekiera “justifikatzeko”, parkingaren proiektua aurkeztu zuten. Proiektuari hainbat alegazio egin zizkion Getxoko EHBilduk, horretan ez baitzen parkinga egiteko beharra justifikatzen zuen inolako daturik ez txostenik ematen. Ikusezinak dira, parkingaren eraikitzeak ingurugiroan izango duen eragina zehazten duten ingurumen-inpaktu txostenak ere (auzokidek inguru horietan akuiferoak egon daitezkeela baieztatu badute ere). Udaleko Komisio Informatiboetan zein Jaurlaritzako Garraio Azpiegituren Zuzendaritzari egindako galderetan, ez zaigu aipatutako txostenik ezta aurkeztutako gainontzeko zalantza guztien inguruko daturik eman. Estrategikoki diseinatutako oztopo burokratiko guztiei aurre egin eta Ibarbengoako parkingean parte hartuko duten erakunde guztietan informazioa exijituta ere, ez dugu Herriari zor zaion informazioa lortu. Ibarbengoa inguruko auzokideek ere, informazio eta begirune faltaz kexu dira, zuzeneko kaltetutak izango direnean. Argazkian, 2011ko irailaren 8an 60 bat lagunek abiatu zuten LZPren kontrako kanpaldia Getxoko Ibarbengoa metro geltoki berriaren inguruan, aparkalekua egin gura duten Tosu inguruan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun