Bestalde, atseden zerbitzuak, iaz bezala, zaintzaileei 48 ordu libre edukitzeko aukera eskainiko die. Horietan zaintzen dituzten pertsonak profesionalek artatuko dituzte. “Zaintzaileei etxetik kanpo jarduerak egiteko aukera eskaintzen diegu, menpeko pertsona profesional aditu batek artatzen duen bitartean”, adierazi du Elena Coria Gizarte Zerbitzuetako zinegotziak.
“Programen helburua aipatutako kolektiboari laguntzea da eta, aldi berean, mendekotasun egoeran dauden pertsonei arreta handiago eskaintzea ere”, azaldu du udal agintariak.
Mendekotasun egoeran dauden lagunen zaintzaileentzako jarduera berrietarako izen-ematea zabalik dauka Getxoko Udalak
Zabalik dago menpekotasun egoeran dauden senideen zaintzaileentzat Getxoko Udalak antolatutako bi ikastaro berritarako eta atseden zerbitzurako izena emateko epea. Tailerrak taldeko laguntza psikologikoaren eta erlaxaziokoak izango dira. Lehenengoa astelehenetan izango da, otsailaren 24tik apirilaren 7ra bitartean, 16:00etatik 18:00etara, Gizarte Zerbitzuen egoitzan, Algortako Urgul kaleko z/g-koan. Tokiko arduradunek azaldu dutenez, ikastaroan zaintzaileek zaintza-egoeretatik sortzen diren ondorio fisiko, psikologiko, emozional eta sozialak aztertuko dituzte; baita haietatik sortutako zama-sentsazioa murriztea ere. Bestalde, erlaxazio tailerra astearteetan izango da, otsailaren 25etik ekainaren 10era bitartean, Itzubaltzeta / Romoko Jose Maria Chavarri Zuazo kaleko Boluntariotzako egoitzan, 10:00etatik 11:30era. Saio horietan erlaxazio eta arnasketa teknikak eta tentsioak deskargatzeko buruko eta oreka-ariketak praktikatuko dituzte. Izen-ematea egiteko epea otsailaren 18an amaituko da udalerriko Hiritarren Arretarako Bulegoetan (HAB). Informazio gehiago: 944 660 151. Argazkian, Elena Coria zinegotzia eta Imanol Landa alkatea, ezkerrean, Celia de Juan García areetarra bisitatzen urtarrilean, 100 urte bete zituela eta / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun