Gaineratu dutenez, "biztanleen proportzioagatik %10 gehiago ordaintzeaz aparte, aurrekontuen zama handienari" eusten dion Mankomunitateko udala Sopela da. EHBilduren eskuetan dagoen bakarra. Gainontzeko udalek EAJren alkatea daukate, Plentzia kenduta, independenteen eskuetan dagoena. EHBilduk adierazi duenez, "udalerri txikiek (Lemoiz, Barrika eta Urduliz) eta handienak (Sopela) biztanleko ordaintzen dutena, gainontzeko udalerriena halako bi da".
"Uribe Kostako Mankomunitatea, noren zerbitzuan?" (cc-by Uribe Kostako EHBildu)
"Mankomunitatea, noren zerbitzuan?" izenburupean, hilero plazaratzen duen aldizkariaren 17.000 ale baino gehiago banatu du Uribe Kostako EHBilduk. Berango, Sopela, Urduliz, Barrika, Plentzia, Gorliz, eta Lemoizko udalak hartzen dituen erakundean dauden "irregulartasunak" salatu ditu horrela koalizio soberanistak; baita horiek gainditzeko eta benetako mankomunitate bat izateko eskualdeko EHBilduk egiten dituen proposamenak jaso ere. Batetik, Uribe Kostako Zerbitzu Mankomunitatearen "Batzar Orokorra ez da sekulan bildu", ezkertiarrek mahaigaineratu dutenez, "Mankomunitateak arautzen dituen Foru Arauaren arabera, besteak beste, aurrekontuak onartu eta lehendakaria aukeratu behar duen egitura gorena den arren". Gaineratu dutenez, "Batzarraren betebeharrak Osoko Bilkurak bereganatu ditu". Uribe Kostako EHBilduren hitzetan, "egitura hau ez da estatutuetan agertzen eta ondorioz ez du oinarri legalik, eta gainera ez ditu hauteskundeen emaitzak islatzen. Ildo horretan, koalizioaren arabera, EAJk behar baino ordezkari gehiago ditu ("botoen %37arekin ordezkaritzaren %46") eta 2003tik Sopelak behar lituzkeen baino bi ordezkari gutxiago. Argazkian, Anabel Landa Berangoko alkate jelkidea da Uribe Kostako Zerbitzu Mankomunitatearen presidentea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun