Astearte honetan egitea aurreikusita zegoen arren, "arazo tekniko bat tarteko" bertan behera utzi behar izan zituzten Itzubaltzeta / Romoko kultur etxearen eraikin berriko beheko solairuan hormigoia botatzeko lanak, Getxoko Udalak gaur jakinarazi duenez. Aipatu lanei bihar ekingo diete tokiko agintariek gaineratu dutenez. Gauzak horrela, Aurrezki Kutxa kaleko zati bat itxiko dute 08:00etan, Errekagane eta Kresaltzu kaleen arteko zatian eta itxita egongo da horiek amaitu arte. Ondorioz, lanok eragina izango dute ibilgailuen zirkulazioan, eta horregatik beste kale batzuk aukeratu beharko dituzte ibiltzeko, hala nola, Ezekiel Agirre eta Kresaltzu kaleak. Udalak barkamena eskatu du lan horiek eragin ditzaketen eragozpenengatik. Argazkian, Romo kultur etxeko lanak, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun