“Gure helburu nagusia da udalerriko elkarteei eta getxotarrei zuzendutako programei edo jarduerei lehentasuna ematea, egitasmo berritzaileak, parte-hartzea sustatzen dutenak eta esku-hartze soziala laguntzea bultzatzearekin batera. Elkarteak eta boluntarioak bultzatzea, alor publiko eta hirugarren sektorearen arteko elkarlana eta gizarte kohesio handiagoa ere sustatu nahi ditugu", adierazi du Elena Coria Gizarte Zerbitzuetako zinegotziak.
Udalak gehienez proiektuaren %75a lagunduko du diruz, eta proiektuari dagokion exekuzioa eta justifikazioa %100a beharrekoa izango da. Eskaerak HABetan, Gizarte Zerbitzuen egoitzan (Algortako Urgul, z/g) edo legeak aurreikusitako tokietan aurkeztu ahal izango dira. Informazio gehiago www.getxo.net udal web gunean edo 944 660 151 telefono zenbakian.
Diru-laguntza ildoak
Diru-kopuruei dagokienez, 45.000 euro udalerriko erakundeen ohiko jardueraren funtzionamendurako edo/eta mantentzeko zuzenduko dira; 15.000 euro Getxoko udalerrirako interesezko proiektu zehatzetarako; 30.000 euro proiektu esperimentaletarako edo berritzailetarako; 59.650 euro parte-hartzea sustatzeko; 62.000 euro esku-hartze sozialean laguntzeko eta 8.000 euro ildo berrirako, hau da, kultur artekotasuna sustatzeko.
Entitateek eskaera bakarra aurkeztu ahal izango dute eta bigarren bat soilik onartuko da “proiektu esperimentala edo berritzaileen” ildokoa bada.
Etorkinen harrera eta kultur artekotasunaren sustapena ere diruz lagunduko ditu Getxoko Udalak
Gaurtik otsailaren 28ra bitartean zabalik egongo da Getxoko Gizarte Zerbitzuekin elkarlanean udalerrian eta/edo udalerriko biztanleei zuzendutako jarduerak egiten dituzten elkarteentzako diru-laguntza eskaerak aurkezteko epea. Oraingoan 219.650 euro zuzenduko dituzte (2013an baino 13.000 euro gehiago) sei modalitatetara, aurreko urtean baino bat gehiago. Udalak onartutako zenbatekoa ildo berri batera ere bideratuko dute. Hori etorkin harrera eta kultur artekotasunaren sustapenerako izango da, tokiko arduradunek zehaztu dutenez. Horrenbestez, Eusko Jaurlaritzan eta/edo Getxoko Udalean erregistratuta dauden irabazi asmorik gabeko elkarteek, organizazioek edo entitateek eskatu ahal izango dute diru-laguntza eta aurrera eraman beharreko proiektua osotasunean Getxo udalerrian egin beharko da edo partaideen kopuruan gutxienez %40a Getxokoa izan beharko da. Argazkian, hainbat elkarteetako ordezkariak Imanol Landa alkatea eta Elena Coria zinegotziarekin, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun