Azaldu dutenez, lokala egokitzeko eta zerbitzua kudeatzeko kontratua iragan urrian esleitu zuen Euskal Herriko Unibertsitateak, lehiaketa publiko bidez eta 12 urterako. Ikasi eta Erosi 2013, SLk jaso zuen esleipena. Maria Elena Pazos Castro eta Jose Ignacio Erdaide Basterretxea ekintzaileek, Ikasi eta Erosiko bazkideak, Eroskiren babesa eta frankizien ereduan hamarkadaz-hamarkada pilatutako esperientzia jaso dituzte, bezeroei zerbitzurik onena emateko. "Apustu aitzindari honen bidez, unibertsitate-campusak inoiz eduki ez duen zerbitzu bat eskainiko da, langileek nahiz ikasleek eskola-orduez kanpo egin beharreko eguneroko zereginak erraztuko dituena. Hurbiltasuneko proposamena da, erosketa azkar eta erosoa egin ahal izatea eskaintzen duena, kontsumitzailea asebetetzeko lehentasunarekin", adierazi du Enrique Martinez Eroskiren frankizien zuzendariak.
Jakiak
Eskainiko diren jakiak fruta, barazkiak, aurrez prestatutako entsaladak, zukuak, fruitu lehorrak eta jogurtak dira, "guztiak ere funtsezkoak direnak dieta osasungarri bati heltzeko". "Horixe baita nortasun-adierazle nagusietako bat", EHUtik diotenez. Supermerkatuak elikagai-sorta handia eskainiko du, unibertsitarioen eta unibertsitateko langileen gustuetara eta beharretara egokituta. Aliprox berriak ogi-labea ere izango du, aukera emango duena egunean egindako okindegiko produktuak eskaintzeko. Gainera, urdaitegia eta drogeria ditu, salmenta libreko zerbitzuan.
Eroski kooperatibak Aliprox supermerkatu frankiziatu bat zabaldu du gaur Leioa eta Erandioko campusean. "Unibertsitate zerbitzu hau, aitzindaria Espainian, EHUren (erakunde lizitatzailea), Eroskiren (frankiziatzailea) eta Ikasi eta Erosiren (sozietate frankiziatua) apustu berritzaile bat da, unibertsitate-komunitate osoari campusean eskainitako zerbitzuak hobetzeko asmoa duena", azaldu dute EHUren iturriek. Supermerkatua Liburutegi Nagusiaren eraikineko beheko solairuan kokatuta dago, Mikel Laboa plazan. Langileek zein ikasleek beren erosketak egin ahalko dituzte campusean, astelehenetik ostiralera bitartean 08:00etik 20:00etako etenik gabeko ordutegin. Uztailean, 08:00etatik 15:30era arte egongo da irekita supermerkatua eta, abuztuan, berriz, itxita egongo da. Establezimendu berriak jakiak, edariak eta drogeriako produktuak eskainiko ditu eskola-egun guztietan. Salmentarako 166 metro koadro ditu establezimenduak eta zuzeneko hiru lanpostu sortzea ekarri du, EHUren arduradunek nabarmendu dutenez. Argazkia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun