Aurreko urtean bezala, diru-laguntza guztiak deialdi bakarrean bildu dira. Horretarako, zazpi subentzio ardatz ezarri dira: oinarrizko kirolaren sustapenerako Getxo Kirolekin hitzarmen bat adostuta duten tokiko kirol-eskolak (223.000 euro); denboraldi lehiaketetan parte hartzen duten klubak eta bakarkako probetan parte hartzen duten kirolariak (389.000 euro); amaierako faseetan parte hartzeagatik eratorritakoak; kirol ekitaldien antolaketa udalerrian; bertako kirol tradizionalak; arrisku handiko eta abenturazko kirolak; festetako kirol ekintzak (248.000 euro). Azken bost ardatzak handitu ahalko dira, eskaeren arabera.
Gainera, Udalak, beste 16.000 euro bideratuko ditu 8 eta 12 urte bitarteko umeek entrenamenduetan euskara erabiltzea sustatzen duten klub edo elkarteentzat.
Laguntza horiek hainbat irizpideren arabera emango dira. Besteak beste, emakumeen kirolaren sustapena, pertsona elbarrituentzako ekintzen antolaketa eta eskola-kirol programetan parte hartuz, udalerriko kirol politikan kluben inplikazioa, aintzat hartuko dira. Interesa duten kirol elkarte eta pertsona guztiek deialdiaren oinarriak eta eskaerak egiteko ezarritako epeak Getxo Kirolak udal erakundeko webgunean aurkituko ditzakete: http://www.getxo.net/eu/getxo-kirolak.
Getxo Kirolak udal erakundeak tokiko klub eta kirolariek diru-laguntzak eskatzeko epea zabaldu du jada. Guztira, 860.000 euro emango dira diru-laguntzetan 2014an. Batetik, herriko kirol elkarteei euren ohiko jarduerak (ekintzen antolaketa, lokalen alokairua, ohiko gastuak, eta abar) antolatu eta gauzatzen laguntzeko emango ditu Udalak diru-laguntza horiek. Eta bestetik, banakako txapelketetan parte hartzen duten goi mailako kirolarientzat ere dirua zuzenduko da, aipatu lehiaketetan parte hartzeko aukera izan dezaten. Iazko urtearekin alderatuta, diru-laguntzen zenbateko osoa handitu egin du Udalak aurten. "Hain zuzen ere, 90.000 euro inguruan handitu da subentzio-sail hori, klubek tokiko kirola sustatzeko gertaeren programa egin ahal izateko eta Getxo 2014ko Kirolaren Europako Hiria hautatu dutela ospatzeko", adierazi dute tokiko arduradunek. Álvaro González Kirol zinegotziaren esanetan, “diru-laguntzen deialdi hau egin aurretik, klubekin eta elkarteekin harremanetan jarri ginen kasuan kasuko modalitateetako gertaerak proposatu zitzaten, oinarrizko kirolaren ekimen interesgarriak sustatzeko. Zenbait proposamen hautatu dugu eta diru-laguntza eman diegu, aurtengo Europako saria aprobetxatzeko eta gure udalerrian kirola praktikatzea bultzatzen jarraitzeko”. Argazkian, errugbi partida Faduran / © Getxo Rugby Taldea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun