- Kultur etxearen erabiltzaile nagusiak auzokideak izango badira ere, Udalak ez duelako haien parte-hartzea bultzatzeko ekimenik abiatu. PNVren parte-hartze kontzeptua, ordea, honakoa izan da: proiektua guztiz erabakita eta itxita zegoenean, auzokide eta elkarteekin bilera informatibo soil bat antolatzea, proiektuak inolako aldaketarik onartzen ez zuenean.
- Proiektuak ez diolako Itzubaltzeta / Romo eta Areetako auzokideen beharrei erantzuten. Tokiko kultur etxeak mantendu beharrean, antzinako bi kultur etxeak Romon zentralizatu nahi dituelako Udalak, auzo bakoitzaren behar eta errealitateei muzin eginez.
- Proiektuan jasotzen denez, Romo kultur etxe berriak Nagusien Egoitza eta Euskaltegia hartuko ditu, eta ondorioz, azken bi horiek orain dauden eraikinekin espekulazio urbanistikoa egiteko asmoa susmatu daitekeelako.
· Hori horrela izanik, eraikin horiekin ze asmo duen garbi azaltzeko exijitzen diogu PNVren Udal Gobernuari.
- Kultur etxe berriarekin sustatuko den kultur eredua, herritarra eta parte hartzailea baino, elitista eta kanpora begirakoa izango dela espero daitekeelako.
- Proiektua gauzatzeko aurreikusitako aurrekontua onartezina delako, are gehiago, egun bizi dugun krisi finantzario eta ekonomiko larriarekin.
Horregatik guztiagatik, Romo kultur etxearen proiektua bertan behera uzteko eskatzen diogu PNVren Udal Gobernuari, eta bide batez, prozesu parte hartzaile bat abiatzeko, auzokideen beharretara egokituko den proiektua, guztion artean, adosteko.
Finean, Romo kultur etxearen proiektuak PNVren gestioaren estiloari erantzuten diola esan dezakegu. Horrelako udal politikek herritarrekiko hurbilenak diren instituzioak urruntzen ditu, eta politika bera, desprestigiatu. Demokrazia lau urtean behin bozka ematea baino askoz gehiago da, eta bide horretan, beste erdu baten beharra aldarrikatzen dugu, herritarrak oinarri eta zutabe izango dituena, hain zuen.
Hori dela-eta, datorren igandean, otsailak 16, Itzubaltzeta / Romoko Auzokide Elkarteak antolatutako ekimenarekin (13:00etan Santa Eugenia plazan) bat egiten dugu, eta auzokideak bertan parte hartzera deitzen ditugu.
Itzubaltzeta / Romon, 2014ko otsailaren 14an.
Itzubaltzeta / Romoko Sortu
Romo kultur etxearen proiektuaren inguruan sortutako zalapartaren aurrean, honakoa adierazi nahi du Itzubaltzeta / Romoko Sortuk. Lehenenik eta behin, gure auzoak Kultur Etxe baten behar urgentea duela argi utzi nahi dugu. Eraikin zaharra eraitsi zutenetik, hainbat urte daramatzagu auzokideok jarduera politiko, sozial, edo aisialdikoak baldintza negargarrietan garatzen. Izan ere, hitzaldiak, bilerak, tailerrak eta bestelako jarduerak egiteko leku fisikorik ez du eskaintzen Getxoko Udalak, euskaltegi azpiko lokal txiki eta baldintzarik gabekoak salbu. Hori guztia esanda, Getxoko Udal Gobernuak bultzatutako Romo kultur etxearen proiektuari ezetz esaten diogu: - Ez delako kontu isolatua, udal politika zurrun, klientelista eta ez demokratikoari erantzuten diolako: Getxo Antzokia, Punta Begoñako galeriak edo Ibarbengoako geltokia, besteak beste. Argazkian, 2013ko abenduan hasiak ziren Romo Kultur Etxeko egitura altxatzeko lanak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun