Leioako Udalak Kultur Maratila egitaraua prestatu du aurten ere, eta protagonista nagusiak musika, antzerkia eta dantza izango dira. Horrela, Kultur Leioa aretoak oso-osorik euskaraz izango den egitaraua eskainiko du otsailaren 20tik 23ra, Artedrama plataformarekin lankidetzan. Dxusturi Teatroa-ren "Konpota" antzezlanak irekiko du zikloa bihar, osteguna. Ostiralean, Ertza eta Asier Zabaleta txanda izango da, "NAN" dantza ikuskizunarekin; baita "Transhumantzia" proposamenarena ere, Mixel Etxekopar eta Francois Rossé musikariak eszenatoki gainean daudela. Larunbatean, Tanttaka antzerki taldeak “Zazpi aldiz elur” aurkeztuko du; eta JB Pedradas-ek “Pepino ustelak (hozkailuan)”. Kultur Maratila igandean amaituko da, Gabriel Aresti Kultur Elkartea eta Zenbat Gara euskara taldearen “Gabrielen lekua” bertso, musika eta antzerki lanarekin. Argazkian, Dxusturi Teatroa-ren "Konpota" antzezlanak zabalduko du Kultur Maratila / © Kultur Leioa.
Ikuskizunetarako sarreren prezioa 6 eta 10 euro artekoa da, baina badago Maratila Bonua eskuratzeko aukera, 30 euroko prezioan. Baita egunekoa (ostiral eta larunbata) ere, 12 eurotan. Saioak 20:30ean izango dira. Ostiral eta larunbateko bigarren ikuskizunak, berriz, 22:00etan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun