Ostegun honetan, otsailak 20, 11:00etan, Leioa eta Erandioko campuseko Liburutegi Nagusiko lehen solairuan, EHUren lehenengo Ikasletxea inauguratuko dute. Unibertsitateko iturriek azaldu dutenez, "ikasleek diseinatu duten eta beraiek kudeatuko duten topagunea, aisialdiarekin eta ikasketekin zerikusia duten mota guztietako ekimenak burutzeko erabiliko da". Besteak beste, erakusketa, hitzaldia, tailerrak, jolasak, eta abar. Era berean, jantoki bezala ere erabili ahal izango da. Leioa eta Erandioko campuseko Liburutegi Nagusiko lehen solairuan kokatuta dagoen toki horren helburuetako bat, "ikasleen arteko harremanak eta, baita, ikasleen eta beraien aisialdiaren artekoa, sustatzea eta erraztea da", EHUtik gaineratu dutenez. Inaugurazio ekitaldian izango dira Iñaki Goirizelaia EHUren errektorea, Ander Feijoó Bizkaiko Ikasleen Kontseiluko presidentea eta Carmelo Garitaonandia EHUren Bizkaiko Campuseko errektoreordea. Argazkian, Leioa eta Erandioko campuseko Liburutegi Nagusiaren eraikina / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun