Mari Paz Zuloaga HLPPko zuzendariak adierazi duenez, “krisiaren aurreko urteetan, gazteen %80 gutxigorabehera bere lehenengo lanpostua lortzen zuen. Gaur egun ehunekoa jaitsi egin da baina gazteek gure proiektuan trebakuntzarako eta itxaropenerako gunea aurkitzen dute. Halaber, %30 Bigarren Hezkuntzako titulua lortzen du eta %20 Erdi Mailako Heziketa Zikloak eskaintzen dituzten ikastegietan segitzen dute ikasten”.
Jai ekitaldia
Ikastegiak 25. urteurrena ospatzeko antolatutako ekitaldia 18:30ean hasiko da eta bertan ikastegiko ikasleen eskutik hurrengoak ikusi ahal izango dira: antzerki emanaldia, dantza erakustaldia eta Lipduba (ezpainak sinkronizatzen dituzten pertsonek egindako bideo musikala). Bestalde, Galderagintzaren eta Zur-arotzeriaren ikasleek egindako oroigarriak erakundeen eta ikastegiaren 25 urteko historian esanguratsuak izan diren pertsonei eman ondoren, tailerretara bisita laburra egingo dute eta mokadutxoa eskainiko da (Ostalaritzako ikasleek prestatutakoa). Egun osoa “ateak zabalik” jardunaldia izango da, ikastegiaren jarduera ezagutu nahi duten pertsona guztientzat.
Getxo-Leioako Hasierako Lanbide Prestakuntzako Programak (antzinako LPI Lanbide Prestakuntzako Ikastegia) bere 25. urteurrena ospatuko du ostegun honetan, otsailak 20, Leioako Ibarrabarri D-1 industrialde leioaztarrean duen egoitzan. Antolatutako ekitaldietara joango dira, besteak beste, Imanol Landa eta Mari Carmen Urbieta alkateak, Ramón Martínez de Murguia Eusko Jaurlaritzaren Heziketa eta Ikaskuntza zuzendaria eta Carlos Melgar Adsis Fundazioaren burua. Getxo-Leioako HLPP aipatu eragileak kudeatutako hezkuntza egitasmoa da, hasieratik Eusko Jaurlaritzaren eta Getxo zein Leioaren udalen laguntza izan duena. 15 eta 18 urte bitarteko gazteei zuzenduta dago, Derrigorrezko Bigarren Hezkuntzaren ikasketak bukatu ez dituzten eta trebakuntzaren eta hazkunde pertsonalaren bila daudenentzat. 25 urte hauetan zehar 1.500 neska-mutil pasa dira ikastetxetik (gehienak getxoztarrak) eta hainbat tailerretako 20 espezialitate ezberdin eskaini dira, Getxoko Udalak gaineratu duenez. Gaur egun, zazpi espezialitate daude: Ostalaritza, Zur-arotzeria, Galdaragintza, Barne-estalduragintza, Iturgintza, Ile-apainketa eta Lorezaintza. Espezialitate bakoitzaren iraupena bi ikasturtekoa da, lantokietan egiten diren hiru hilabeteko trebakuntza barne. Argazkian, Getxo eta Leioako ikastegiko hainbat ikasle / © Adsis Fundazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun