Landa alkateak azaldu duenez, “Europak eman digun sariak kirolean du, funtsean, sustraia. Eta lehendabizi, hori baliatu nahi dugu herritarren artean bizi-aztura osasungarriak eta jarduera fisikoa bultzatzen jarraitzeko. Baina, aldi berean, gure botere turistikoa sustatu eta kanpoan udalerriaren irudi oso ona emateko aukera handia da”. Zentzu horretan, ONCEren "ekimen guztiz eskuzabal hau" eskertu nahi izan du alkateak Getxoren izena eta irudia bere kupoietan sartzeagatik, "hedatze handia izango baitu, eta aspaldi egiten ari den gizarte-lan bikaina gure udalerriarekin lotzeagatik".
Basilio San Gabrielek, bere aldetik, Udalari eskertu dio ONCEri emandako aukera, "Getxoren izena estatu osotik zabaltzeko aukera, alegia". Gaineratu duenez, “hiritarrei esker bizi den instituzioa garelako, bereziki Euskadi eta Getxoko hiritarrei esker, gure produktuak egunero erosiz gure eginkizun sozialari eutsi ahal izatea bermatzen baitute. Eta haiei ekarpen hori itzultzeko egin dezakeguna, hain zuzen ere, hauxe da, Getxoren irudia zabaltzen ahalegintzea”.
Getxo 2014ko Europako Kirol Hiria dela gogoratuko du ONCEren astearteko kupoiak
Areetako kaiaren irudia eta Getxo 2014ko Europako Kirol Hiria izendatzen duen logoa agertuko dira ONCE Espainiako Itsuen Erakunde Nazionalak datorren astearteko (otsailak 25) zozketarako salgai ipiniko dituen 5,5 milioi kupoietan. Horren irudia aurkeztu dute gaur Imanol Landa alkateak eta Basilio San Gabriel ONCEren EAEko lurralde ordezkariak. Bertan Getxoko irudi bat agertzen da, eta azpian honako esaldi hauek: “Muelle de Las Arenas. Paseo de las grandes villas de Getxo” eta “European City of Sport GETXO 2014 Ciudad Europea del Deporte”. Ekimen honek, Imanol Landa alkatearen esanetan, “Getxoren irudia zabaltzen lagunduko du, modu eraginkor eta ederrean, eta udalerria aisialdi osasungarrirako toki, helmugako herri gisa sustatzeko lana indartuko du”. ONCEren eguneroko kupoiak, hilaren 25ekoak bezala, eta 1,5 euroren truke, 35.000 euroko 50 sari banatzen ditu. EAEn aurten, 11 milioi euro baino gehiago banatu ditu ONCEk, udal iturriek aipatu dutenez. Argazkian, San Gabriel eta Landa kupoiaren erreplika erraldoia eskuetan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun