"Barikuetan jai" egitasmoa ostiral honetan, otsailak 21, izango da bueltan jai erraldoiarekin, Leioako Udalak jakinarazi duenez. Barandiaran institutuko patioan, 17:30etik aurrera, hainbat ekintza izango dira txikientzat zein gurasoentzat. Horretaz gain, martxoan izango den txangorako izena emateko aukera izango dute gaztetxoek. Irteera, euskarazkoa eta doakoa, Gasteizera izango da, izotz-pistara, eta 2002 eta 2008 bitartean jaiotako umeentzat izango da, tokiko iturriek zehaztu dutenez. Goizeko 9etan irtengo dira Leioatik eta Gasteizko izotz pistara joango dira patinatzera. Ondoren, Salburuako parkean bazkalduko dute, eta bide batez jolasak egingo dituzte eta hainbat animali ikusteko ibilbide berezia egingo dute parkean bertan. Azkenik, 18:00etan bueltatuko dira Leioara. Argazkian, ume eta gurasoak dantzan / cc-by Egizu Getxo Euskaldun!
Leioako Udalaren Euskara Zerbitzuak martxan jarritako programa horren helburua da haurrek eta familiek euskara erabiltzea herriko plazetan eta kaleetan. Horretarako, hilean birritan jarduera bereziak egiten dira Leioako edozein txokotan, euskarazko harreman sareak zabaltzeko eta euskara erabiltzeko guneak eta aukerak sortzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun