Baina harrigarriena izan da etxebizitzak alderdi guztien oniritziaz egingo lituzkeela esatea Hori gezur galanta da. EH Bilduren oniritzia, behintzat, inoiz ez du izan horretarako, eta ez du izango ez bada auzokideekin adosturik delako edo kontsulta batean onartzen delako.
Amaitzeko, Imanol Landaren kosmetika politikaren arazoak handiak direla ikusteko datu ezin argiagoa dator prentsaurrekotik; PNVren beharren araberako prentsaurreko batean, udal langileak, teknikoak direnak, eraman izan ditu bere iritziak jantziago direla nolabait aditzera eman nahian. Patetikoa, gainerako udal alderdiei teknikoekin zuzenean hitz egitea debekatu digula jakinda. Arriskutsua ere teknikoen erabilpen politikoa adierazten duelako.
Beraz ondorio nagusi bat azpimarratu nahiko genuke: Itzubaltzeta / Romoko auzokideek xake egoeran jarri dute alkatea. Bejondeiela!
Getxoko EH Bildu
Getxoko EH Bildu: "Itzubaltzetako auzokideek xake egoeran jarri dute alkatea. Bejondeiela!"
Itzubaltzeta / Romoko auzokideen antolakuntza eta mobilizazio gaitasunak beste garaipen bat eskaini die: Imanol Landak prentsaurrekoan bere proiektua saldu beharra. Auzokideek behin eta berriro bilerak eta azalpenak eskatu dizkioten arren, PNVk bere estiloari eutsi dio, endrokatu, auzokideekin zuzenean egon ez eta prentsa bidez beharrezkoa denean kosmetika operazioak egin. Eta PNVren azken prentsaurreko honek (auzokideen mobilizazioen arrakasta mediatikoa eta gero) kosmetika hutsa izateaz gain, erantzunik gabeko galderaz eta gezur batzuez horniturik dator. EH Bildukook, pribatuan zein Udal Komisioetan, sarritan galdetu diogu PNVri zein asmo zuen Itzubaltzeta / Romoko euskaltegiko eraikuntzaz, behin kultur etxe berria egin eta gero. Eta erantzunak beti “oraindik ez dakigu”. Orain auzokideen presiopean. BOEko etxebizitzak egiteko erabakia ateratzen du txisteratik. Gainera PNVri esan behar zaio jada Getxon badakigula baliogarri diren BOEko etxebizitza bakarrak alokairuzkoak direla, PNVk eskaini nahi dituen bakarrak erostekoak diren bitartean. Auzokideen %80aren gaitasun ekonomikoaren barruan ez direlako sartzen erostekoak, Alangokoetan frogatu izan den modura. Egiteko asmo dituen etxebizitzak alokairuzkoak izango ote ziren? Landa jaunak iragarpen honen bidez, Getxon etxebizitza lortzea luxu bat dela jakinik, despistatuta dabiltzan auzokideak PNVren proiektura lerrokatzeko ahalegin maltzurra egin du. Argazkian, Romo Kultur Etxearen proiektuaren kontrako manifestazio jendetsuaren ostean, hitzordua biharko udal batzarrean jarri du Itzubaltzeta / Romoko Auzokideen Elkarteak, 17:00etan / © Itzubaltzeta / Romoko Auzokideen Elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun