Irrati libreek 30 urte daramatzate Euskal Herriko irrati frekuentzien espektroa astintzen. Gaur, asteazkena, komunikazio proiektu alternatibo horien iragana, oraina eta geroa izango dute mintzagai Abian kultur elkartean, Algortako Bidebarri kaleko 2. zenbakian. Lehenik eta behin, Gasteizko Hala Bedi Irratiak bere 30. urteurrena ospatzeko ekoiztutako "30 urte kolpez kolpe" dokumentala egongo da ikusgai. Ondoren, azken hamarkadetan zehar Getxo udalerrian izandako proiektu ezberdinen inguruan eztabaidatuko dute. Jadanik existitzen ez diren 5 Axola eta Koska Irratiekin hasiz, Justuri proiektuaren nondik norakoak eta egoera azalduko dira. Egun Euskal Herrian dauden irrati libre ezberdinen egoera ere aztertuko dute, eta fanzineak, liburuxkak eta artikuluak egongo dira ikusgai. Hitzordua 19:30ean jarri dute Abianen. Argazkian, aspaldi desagertu zen Algortako Bost Axola irratiko esatari bat Amezti kaleko estudioan / © "UK" aldizkaria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun