Uribe Kostako Irakurzaleen Txokoak gaurko, asteazkena, hitzordua du Jon Sarasua bertsolari eta irakaslearekin. Leioako Ongi Etorri euskaltzaleon topalekuan izango da, 19:00etan, bere azken saiakera-liburuari buruz berba egiteko: “Hiztunpolisa: euskaltasunaren norabideaz apunteak”. Aretxabaletakoa Kazetaritza ikasi zuen Bilbon. 1996an "Bi begiratu euskarazko kazetari hizkerari" lanarekin doktoratu zen. Bertsolaritzaren munduan oso gazte sartu zen. Eskoriatzako Almen Ikastolako bertso-eskolan ibili zen lehen. 1981ean, Gipuzkoako Eskolarteko txapelketa irabazi zuen eta 1984ean berriro irabazi zuen. Euskal Herriko Bertsolari txapelketako finalista ere izan zen 1986an, 19 urte zituela. Bere anaia Aitor Sarasuarekin "Fauna txiki bat bertso berritan" diskoa kaleratu zuen (Elkar, 1995). 2002. urtera arte Euskal Herriko Bertsozale Elkarteko komunikazio arduraduna izan zen. Gaur egun plazatik erretiraturik, Mondragon Unibertsitatean irakasle dabil, Huhezi fakultatean. Argazkian, Bilboko Kafe Antzokian ere aurkeztu zuen bere azken lana Jon Sarasuak / cc-by Kafe Antzokia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun