Martxoaren 2an, berriz, desfilea eta diskoteka egongo dira 18:00etatik aurrera, Larrabasterrako Urko kiroldegian. Desfilean parte hartzeko oinarriak ondokoak dira:
1. Izena emateko epea otsailaren 28an bukatuko da, gaueko 20:00etan, Sopelako Kurtzio Kultur Etxean (944 065 505).
2. Epaimahaia kultura arloko arduradunek osatuko dute, eta beraien erabakiak gora jo ezinak izango dira.
3. Lehiaketa banakoentzat eta taldeentzat izango da.
4. Sariak bost kategoriatan banatuko dira: 0-6 urte / 7-12 urte / 13-20 urte / 21 urtetik aurrera.
5. Taldeak gutxienez 10 partaide.
6. Desfilearen egun berean ezin izango da izena eman.
Martxoko lehenengo asteburua oso berezia izango da Sopelan. Izan ere, Karolina Egun ezaguna eta Inauteriak ospatuko dituzte asteburu berean, eta beraz, herrian hamaika ekitaldi izango dira, udal iturriek jakinarazi dutenez. Horrenbestez, larunbatean, martxoak 1, Bizkaiko VII. Karolina Egunaren ospakizuna helduko da. Bizkaiko Gozogintza Elkarteak eta Sopelako Salerosle Elkarteak antolatzen dute, Sopelako Udalaren lankidetzarekin. Aurreikusitako programa 11:30ean hasiko da, ludoteka eta umeentzako tailerrekin. Gainera, txu-txu tren batek Sopela gora eta behera zeharkatuko du jaia auzo ezberdinetara gerturatuz. Giroa alaitzeko, kalez kale fanfarrea bat ibiliko da. Baina zalantza barik, ekitaldirik garrantzitsuena 12:00etan helduko da: 3.000 karolina baino gehiago banatuko dituzte debalde udaletxeko plazan. Asteburu horretan bertan, gainera, Sopelako inauteriak ere ospatuko dira. Larunbatean, 18:30ean txokolatada izango da, eta 19:00etatik aurrera, Akerbeltz taldearen dantzaldia udaletxe plazan. Egun honetan (eta ostiralean), tabernek ordu bi beranduago ixteko aukera izango dute, Udalak itxiera ordutegia luzatu duelako. Argazkian, inauteriak ere izango dira asteburu honetan / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun