Joan den asteartean, otsailak 25, bete ziren 30 urte GALek Eugenio Gutierrez Salazar “Tigre” 29 urteko errefuxiatu leioztarra erail zuenetik. Hori gogoratzeko, 50 lagun batu ziren herenegun Bulebarrean lehenengo, eta Tigre plazan ondoren, oraindik orain Leioako semea tirokatu zein horretarako agindua eman zutenak epaitu eta zigortu gabe jarraitzen dutela salatzeko. Bada, erailketaren egiletza "PSOEko arduradunei" egotzi zieten Leioako Ernaik eta Sortu Leioak. Aipatu bi erakundeak deitutako ekitaldiei amaiera emateko, igande honetan, martxoak 2, Gutierrez Salazar hil zuten tokira joango dira; Mendi-ra, alegia. Autobusa goizeko 9etan abiatuko da Leioatik, Ipar Euskal Herritik 17:00etan bueltan ateratzeko. Txartelak eskura daude Kurkudi herriko tabernan. Argazkian, GAL erakundeak eraildako Eugenio Gutierrezi omenaldia, artxiboko irudian.
Eugenio Gutierrez Salazar “Tigre” 1984ko otsailaren 25ean erail zuten, errefuxiatu talde batekin Zuberoako Idauze-Mendi udalerriko baserri batean zegoela. Euskara ikasketen atsedenaldian baserriaren atarira irten zenean tiro bat jaso zuen eta bertan gelditu zen hilik. Hilketa GALek beregain hartu zuen, baina orain arte inor ez da akusatua izan bere heriotzagatik. Argazkian, GAL erakundeak eraildako Eugenio Gutierrezi omenaldia, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun