Gure aurpegien aurrean heriotzaren dantzak antzezteko eta araoak botatzeko bilduko dira. Akelarre baten bezala. Hau ez da izango, hala ere, sorginen akelarrea, aske dantzatu eta maitatu egiten zen haietariko bat. Banpiroena baizik. Gure dantzak, gure maitasuna eta gure bizitzan geratzen diren askatasun zipriztinak ukatzearena baizik. Zainetan geratzen zaizkigun odol tanta urriak zurrupatzearena.
Bilbora joan behar dugu. Ez paseatzera, ezta buelta bat ematera, ezta pote batzuk hartzera, baizik eta bilera burutzea saihestera. Eta hori posible ez bada, behintzat, gure garrasiekin eta gorrotoarekin bozgorailuen bolumena igotzera behartu diezagun.
Gu han egongo gara. Elkar topatuko dugulakoan animo handia guztioi.
Sopelako Plaza Beltza kultur elkartea
Maitasuna eta gorrotoa
Martxoaren 3an, klase borrokaren sarraski haietariko baten urteurrenean, mundu mailako oligarka eta agintaririk esanguratsuenetariko batzuk etorriko dira Bilbora. Guggenheim-ean, non bestela, bilduko dira klase borroka egon badagoela gogorarazteko eta, zalantzarik bazegoen, aise irabazten ari direla nabarmentzeko. Global Forum Spain izena ipini diote antolatzaileek eta ekonomia globalaren inguruan jardungo da. Ez hortik hurbil kale gorrian bizi den jendearen ekonomiaz edo zaborrontzietan jatekoa bilatzen dutenenaz. Iraupen luzeko langabetuak eta gazte prekarioak aipatzeko agian koloredun grafikoren bat kaleratuko dute. Argia eta ura moztuta bizi diren familiak ez-ordaintzaileen zerrendetan sartuko dituzte. Zelako hitz polita ekonomia. Zelako eztabaidagai sakon eta interesgarria den, kapitalaren benefizio neurrigabeetara mugatzen direnean. Rajoy eta bi ministro etorriko dira, Erregea, Urkullu eta Azkuna. FMIko zuzendaria, OCDEaren idazkari nagusia, Europako hainbat erakunderen ordezkari. BBVAko presidentea, Telefonicakoa, Iberdrolakoa, Inditexekoa, etab. Denak datoz. Herriaren etsai guztiak gonbidatu dituzte. Agian Lex Luthor eta Hannibal Lecter kenduta. Argazkian, 2009ko azaroaren 6an zabaldutako lokala itxi arren, ekitaldiak antolatzen jarraitzen du Plaza Beltzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun