Martxoaren 10ean, astelehenarekin, "Código Atenea" izenburupeko bakarrizketa satirikoa eta komikoa izango da Algortako Fadura kiroldegian, 19:30ean, Eguzki Zubia aktore getxoztarraren eskutik. Lan horretan mitologia grekoaren printzipio moralak egungo pentsamoldearekin eta bizimoduarekin alderatzen dira, udal iturriek azaldu dutenez. Umoretik emakumearen egungo rolaren gutxiespena azpimarratzen da, Olimpoko jainkosen botere femeninoarekin konparatuz. Sarrera doakoa izango da.
Azkenik, martxoaren 12an, asteazkena, 19:00etan, Izaro Gonzalez Ieregi algortarrak zuzendutako "81 amama" dokumentala proiektatuko dute euskaraz, gaztelerazko azpitituluekin, Getxo Elkartegian, Areetan. Amamen eta iloben arteko kultur transmisioari buruzko lana da. Egun horretan bertan, 11:00etan ere proiektatuko dute euskaltegietako ikasleentzat.
Jarduerek haurtzaindegi-zerbitzua izango dute, eta eskaera gutxienez bi egun lehenago egin beharko dute interesatuek berdintasuna[abildua]getxo.net posta elektronikoan edo 944 660 136 telefono zenbakira deituz.
Sexu eta ugalketa eskubideak jorratuko dituzte Emakumeen Eguneko Getxoko jardunaldietan
Bi solasaldik, antzerkiko bakarrizketa batek eta dokumental baten proiekzioak osatzen dute Getxoko Udalak, martxoaren 8ko Emakumeen Nazioarteko Eguna dela eta, antolatutako jardueren egitaraua. “Sexu eta ugalketa eskubideen alde. Geure gorputza, geure erabakia” izango da aurtengo jardunaldien leloa. “Gai hau aukeratu dugu kontzienteak garelako sexu eta ugalketa osasuna, eta haurdunaldiaren borondatezko etetearen legea erreformatzeko proposamenaren inguruan dagoen giza-eztabaidaz. Guk ikuspuntu zabalaz jorratuko dugu, hau da sexu- eta ugaltze- eskubideetatik”, azaldu du Keltse Eiguren Berdintasun zinegotziak. Egitaraua astelehen honetan, martxoak 3, hasiko da Izaskun Landaida Emakunderen zuzendariak Berdintasun politikei buruz emango duen solasaldiarekin. Saioa 19:00etan izango da, Algortako kultur etxean, Villamonten. Toki eta ordu berean, baina asteazkenean (hilak 5), beste hitzaldi bat izango da, "Sexu eta ugalketa eskubideak. Abortuaren erreforma legea" izenburupean. Hizlariak Marian Sanz Medicus Mundi GKEko Bizkaiako genero teknikari eta Afrikako proiektuen arduraduna eta Anabel Sanz abortatzeko eskubidearen aldeko plataformako kidea izango dira. Argazkian, Keltse Eiguren Berdintasun zinegotzia, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun