Udalak inguruko ostalaritzako eta merkataritzako establezimenduetako arduradunei aholkatu die prebentzio neurriak hartzeko. Horrekin batera, herritarrei hurrengoak ere gomendatzen zaizkie: itsasontziak ez erabiltzea, beren loturak begiratzea; itsas kirolik ez praktikatzea eta kostaldearen ondotik doazen errepideetatik ez ibiltzea.
Marea biziak
Segurtasun Sailak azaldu duenez, olatu handiez gain, marea biziak ere izango dira, batez ere astearte goizaldean. Hori dela eta, otsailaren 2an euskal kostaldea kaltetu zuen denboralearen "ezaugarri berdinak edo larriagoak" izan ditzakeelako datozen egunetan datorrenak. Larrialdi eta Meteorologia Zerbitzuen Zuzendaritzak azaldu du astelehenean olatuek altuera "azkar" igoko da zazpi-zortzi metrotatik bederatzi-hamar metrora. Horregatik, lehen orduetan alerta laranja ezarriko dute eta 16:00etatik aurrera gorria izango da.
Itsasgora, unerik kritikoenetako bat, 18:15ean izango da. Hala ere, Segurtasun sailak esan du olatu altuenak izango diren unean, asteleheneko gauerdian, itsasbehera izango da.
Asteartean, alerta gorriak goizeko bederatziak arte jarraituko du eta ordutik eta gaueko bederatziak arte, abisu alerta laranja ezarriko dute. Olatuen altuera jaisten joango da bederatzi-hamar metrotik bost metrora, arratsaldean. Itsasgora 18:52an izango da. Larrialdi eta Meteorologia Zerbitzuen Zuzendaritzak iragarri du asteartean abisu horia ezarriko dute batez ere kostaldean izango diren 100 kilometro baino gehiagoko haize boladengatik.
Eusko Jaurlaritzaren Segurtasun Sailak itsasaldeko arriskuagatik eta olatuen altueragatik, astelehenerako eta astearterako, martxoaren 4erako eta 5rako, iragarritako alarma gorria dela eta, Imanol Landa Getxoko alkateak Larrialdi Plana jarri du indarrean, 0 fasean. Ondorioz, Babes Zibilak bihar, 16:00etatik aurrera itsasotik gertu dauden hainbat tokitarako bideak moztuko ditu. Hain zuzen ere, oinezkoak ezin izango dira Ereagako moila osotik ibili ezta Ereaga hondartzako pasabidetik, Turismo Bulegotik Portu Zaharrerainoko tartetik, Algortan; baita Getxoko Arrigunaga eta Azkorri hondartzetatik ere. Ibilgailuak ezin izango dira Ereagako igogailutik Portu Zaharrerantz zirkulatu eta Portu Zaharreko horma ere zaintzapean edukiko dute, pertsonak igaro ez daitezen. Segurtasun Sailak alarma gorria ezarri du astelehen arratsaldetik aurrera eta astearteko lehen orduetarako hamar metroko olatuengatik. Larrialdietan, 112 zenbakira edo Getxoko Udaltzaingoaren 944 660 202 telefonora deitzea eskatu dute. Argazkian, Sopelan 83.000 euro baino gehiagoko kalteak eragin zituzten olatuek otsailaren 2ko goizaldean / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun