Martxoaren 8ko Emakumeen Nazioarteko Eguna kirolaz beteriko jardunaldia izango da Barrikan. Goizeko 10etan herri estropadaren seigarren edizioari hasiera emango diote, Barrika Piragua Taldeak antolatuta. Bertan, ehun emakume palistek parte hartuko dute, udal iturriek adierazi dutenez. Arratsaldean, 15:00etatik aurrera, Emakumeen Eguneko padel txapelketaren lehenengo edizioa egingo dute, lehiaketa amerikarra, guztiak guztien kontra. Barrika Tenis Taldeak antolatu du hori. Horren bukaeran, parte-hartzaile bakoitzak oroigarria jasoko du eta hamaiketako herrikoia egongo da. Jardunaldiari amaiera emateko, 18:00etan, Ander Deuna kultur aretoan, Emakumeen Hitza tokiko emakumeen elkarteak manifestuaren irakurketari ekingo dio eta, horren ostean, Arrautzopil eta Tarten IV. Lehiaketa eta ondorengo dastatzea izango dira. Argazkian, Barrikako emakumeen elkarteko kideak / © Emakumeen Hitza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun