Martxoaren 8ko Emakumeen Nazioarteko Egunerako hainbat ekitaldi antolatu ditu Uribe Kostako Zerbitzu Mankomunitateak. Horrenbestez, larunbatean, goizeko 9:30ean (izena emateko 09:00etan) abiatuko da Plentziatik mendi martxa. Berangotik, berriz, bizikletaz abiatuko dira 10:30ean. Horiek guztiak 12:30ean Armitzako frontoira heltzea espero dute antolatzaileek. Izan ere, 13:00etatik aurrea egingo dute bertan Mankomunitatearen martxoaren 8ko ekitaldi nagusia, Emakumeen Hitza elkarte barrikoztarrak antzerkia eskaini eta mankomunitateko arduradunek adierazpena irakurriko dutela. Aurretik, emakumeen gomazko pilota partidak (10:30) eta Sopelako tai-ji taldearen erakustaldia (12:30) izango dira. Argazkian, 2008an egin zuten Uribe Kostako Emakumeen I. Kirol Anitzeko Lehiaketa, "Kirolaria naiz, baita emakumea ere" lelopean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun