Ostiralean, martxoak 7, egun osoan zehar, Zientzia eta Teknologia Fakultateko sarreran, Zientzien arloan azpimarragarriak diren hamar emakumeri (bi biologiak dira, bi geologoak, bi kimikariak,bi fisikariak eta bi matematikariak) eskainitako orri-markatzaileak banatuko dituzte.
Astelehenean, martxoak 10, 10:00etan, Irakasleen Unibertsitate Eskolako Juliana Agirrezabala aretoan, "Zergatik mutilek ez dute etxeko lanik egiten?" eta "Emakume artistak" gaien inguruan ikastegiko ikasleek egindako lanak aurkeztuko dira. Eta 11:30ean, toki berean, Matxalen Legarreta EHUko soziologoak hitzaldia emango du "Usos del tiempo entre mujeres y hombres" izenburupean.
Martxoaren 19an, asteazkenarekin, 11:00etan, Gizarte eta Komunikazio Zientzien Fakultateko entzunaretoan, "Sareginak / Mujeres conectadas" ekimena burutuko da. Pikara Magazine aldizkariaren sortzaileek eta Ruth Sala abokatuak aldizkari digitalaren arrakastaren arrazoia azalduko dute eta jasaten dituzten ziber-erasoak aipatuko dituzte. Lucía Martínez Odriozola, Andrea Momoitio eta Ruth Sala eremu digitaletan ematen den genero indarkeriaren egoera juridikoaz mintzatuko dira. Kulturbasquek antolatu du ekitaldia.
Emakumeen Nazioarteko Eguna dela eta, hainbat jarduera antolatu ditu Euskal Herriko Unibertsitateak (EHU). Ekitaldi nagusia ostiralean (hilak 7) Informatika Fakultatean, Donostian, izango den arren, Leioa eta Erandioko campusean ere egongo da zer ikusi eta entzun. Asteazken honetan, martxoak 5, 12:00etan, Zientzia eta Teknologia Fakultateko Paraninfoaren ondoko gelan, ikastegi horretako Berdintasunerako Batzordearen logo berria aurkeztuko dute, Iñigo San Emeterio eta Iñigo Tobesen eskutik. Eder Ruesgarekin batera, beraiek izan dira logoaren sortzaileak. Ostegunean, martxoak 6, 12:30ean, lehenengo ikasgelategiko Justo Garate aretoan, "Derechos Humanos, educación de las mujeres e islam" izenburupean hitzaldia emango dute Natalia Andujar Educaislam prestakuntza zentroko eta Musulmanas sareko zuzendariak eta Isabel Aspe Eurobaskeko zuzendari teknikoak. Zuzenbide Fakultateko Berdintasun eta Kultura batzordeek antolatu dute solasaldia. Argazkian, 2010eko abenduaren 17an, Gizonen eta Emakumeen arteko Berdintasunerako I. Plana aurkeztu zuen Euskal Herriko Unibertsitateak / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun