"Dantzatu zure baginari darion suaren pare!" lelopean, martxoaren 8rako hainbat ekitaldi deitu ditu Erandioko Txoko Feministak. Bada, 13:00etan kotxe-karabanan abiatuko dira, udalerriko hainbat auzo igarotzeko asmoz. Ordu bete beranduago, 14:00etan, poteoa egingo dute Altzagako Jado kaleko tabernetatik; eta ordu bete beranduago, 15:00etan, bazkaria. Hain zuzen ere, horretan parte hartu nahi dutenek ostegunera arte (hilak 6) izango dute izena emateko aukera, erandiokotxokofeminista[abildua]gmail.com helbide elektronikoaren bitartez. Bazkalostean guztien artean gune artistikoa sortuko dote, "ahalduntze espazio bat". "Horren parte izan nahi badozu zure ekarpena egiteko aukera ederra dekozu. Poema, abesti, bizipen edo gure dozuna esateko unea da", azaldu dutenez. Amaitzeko, 18:00etan kontzentrazioa egingo dute Erandioko metro geltoki parean. Argazkian, urtarrilaren 24an, Uribe Kostako mugimendu feministak deituta, 220 bat emakumezko eta gizonezkoek manifestazioa egin zuten Areetan, "Abortatzeko eskubidea. Gure gorputza, gure erabakia" lelopean.
"Egunari ikutu more bat emango diogu, edozein gauza more jantzi ta kalera atera! Ez gaitzale sekula isilarazi erabakiak hartzeko gure ahalmena! Ikus dadila Erandion ere kolore morea erabiltzen dela, k!olore morez pentsatzen dela, kolore morez borrokatzen dela. Kolore anitzetan ere bai!", adierazi dute Erandioko Txoko Feministako kideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun