Uribe Kostako Zerbitzu Mankomunitateak ere larunbatean egingo du ekitaldi nagusia: goizeko 9:30ean (izena emateko 09:00etan) abiatuko da Plentziatik mendi martxa. Berangotik, berriz, bizikletaz abiatuko dira 10:30ean. Horiek guztiak 12:30ean Armitzako frontoira heltzea espero dute antolatzaileek. Izan ere, 13:00etatik aurrera egingo dute bertan ekitaldia, Emakumeen Hitza elkarte barrikoztarrak antzerkia eskaini eta mankomunitateko arduradunek adierazpena irakurriko dutela.
Azkenik, Berangoko Emakumearen Elkarteak antolatutako martxa igandean (hilak 9) izango da, taldearen egoitzatik 10:00etan irtengo delarik. Gero, 12:30ean, “Berdintasunaren aldeko jaia” ospatuko dute frontoian.
Emakumeen Nazioarteko Eguna dela eta, egun hauetarako, bateratze ugari deitu dituzte Uribe Kosta eta Erandioko emakumeen elkarte, administrazio publiko zein eragile feministek. Besteak beste, Andrak elkarteak kontzentrazioa egingo du bihar, osteguna, 13:30ean, Leioako Bulebarrean. Beste horrenbeste egingo du Erandioko Emakumeen Elkarte Soziokulturalak etzi, ostiralarekin, 12:00etan Irailaren 23a plazan, udaletxe aurrean. Gainera, adierazpena irakurri ostean, martxa egingo dute Altzaga eta Astrabudua artean. Martxoaren 8ra helduta, ez dira gutxi izango aldarrikapen ekintzak. "Inposatutako legeen gainetik... Gora emakumeon borroka!" lelopean, hainbat ekitaldi deitu ditu Itzubaltzetako Emakumeek Asanbladak (IEA). 11:00etan bizikletada egingo dute eta 13:00etan manifestazioa eta batukada, Santa Eugenia plazatik abiatuta. Erandioko Txoko Feministak, berriz, "Dantzatu zure baginari darion suaren pare!" lelopean deitu ditu ekitaldiak. Horien artean, 18:00etan kontzentrazioa egingo dute Erandioko metro geltoki parean. Ordu berean, baina Barrikako Ander Deuna kultur aretoan, Emakumeen Hitza tokiko emakumeen elkarteak manifestuaren irakurketari ekingo dio. Eta Algortako Bilgune Feministak 19:30ean hasiko du kalejira Telletxen; eta ondoren ekitaldia San Nikolas plazan. Argazkian, abortuaren kontrako legeak salatzea izango dute ardatz mobilizazioetako askok.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun