Getxoko alkatearen hitzetan, “gure udalerria hobetu eta aurrera egin dezan sortutako aurrekontuak dira hauek, kohesio sozialean oinarritzen direnak”. Gaineratu duenez, “aurrera egiteko denok jardun behar dugu elkarrekin, inor atzean utzi gabe, are gehiago krisi garai hauetan, non elkartasuna edo justizia soziala bezalako kontzeptuek zalantzarik gabeko protagonismo hartzen duten. Aurrekontu orekatuak eta zuhurrak dira, errealitateari egokituak, erantzunkizunetik eta baliabide publikoak kudeatzerakoan gure Udalak ezaugarri duen zorroztasunetik diseinatuak”.
Tokiko erakundetik azaldu dutenez, 2014ko urtarrilaren 1ean Udalak 28,2 milioi euroko maileguak zor zituen. Aurten 3,3 milioi itzuliko omen dira. Interes-tasari dagokionez mailegu horiek izenpetu ziren salbuespenezko baldintzak kontuan hartuta, mailegu horiek behar baino lehenago kitatzea "ez litzatekeela egokia" uste dute agintari getxoztarrek.
"Udalak gastu arruntei eusteko estrategiarekin jarraitzen du", aipatu dutenez. Ondasunen eta zerbitzuen erosketari dagokionez, ustekabekoen partida kendu egin nahi dute, 2013an bi milioi eurokoa zena. Diru-laguntzak eta laguntzak, bestalde, %4,8 gehitu nahi dituzte. "Ekitaldiko inbertsioak horietan sortutako diru-sarrerekin finantzatzen dira, udalerrian ordaintzen diren zergak eta tasak igo beharrik gabe, zorpetze berri batean sartu beharrik gabe edota lursailak saldu beharrik gabe", aipatu dutenez.
2014rako 98,3 milioi eurora (iaz baino %1 gutxiago) heltzen den aurrekontu proposamena aurkeztu dute gaur goizean Imanol Landa Getxoko alkateak eta Ana Helguera Ogasun zinegotziak. Horien helburuak eta jarduera eremuak (pdf) azaltzeaz gain, inbertsioak "zergak igo, zorpetze berri batean sartu edota udal-ondarea saldu beharrik gabe" estaliko dituztela adierazi dute agintari getxoztarrek. Aurten berriro ere izoztu egingo dira udal-zerga eta tasa guztiak, Helgueraren arabera. “Zergen eta tasengatiko zein bestelako sarrerak (presio fiskala) milioi bat euro jaitsi dira, hau da, getxoztar bakoitzak ordaintzen duen zenbatekoa 12,5 euro jaisten da. Halaber, ekonomia suspertzeko zerga pizgarriak eta kalteturiko edo gizarte-intereseko sektoreentzat laguntza fiskalak aurreikusten dira (OHZ nahiz zaborren eta estolderien gaineko tasak ordaintzeko laguntza ildo-berriari eusten zaio, familia ugarientzako hobariak...)”, esan du Ogasun arduradunak. Aurreko ekitaldian indarrean zegoen aurrekontuaren luzapena joandako urtarrilean onartu zuten. Bada, martxoan zehar, gainerako talde politikoekin negoziazio-prozesu bat irekiko du EAJren Gobernu Taldeak, egin beharreko aldaketak erabakitzeko. “Beharrezkoa den akordio politikora heltzeko nahia azaldu nahi dugu, udalbatzan aurrekontu hau onartu ahal izateko, horixe litzatekeelako gauzarik onena”, esan du Landak. Argazkian, Landa eta Helguera gaurko prentsaurrekoan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun