Gainera, oinezkoentzako pasabideak ere jarriko dira eta autobusen geralekuetarako plataforma berri bi, dagokien espaloiekin. Errepidearen trazadura-aldaketaren ondorioz, dauden sarbide batzuk ukituko dira, baina lehengoratu egingo dira.
Bizkaiko Foru Aldundiaren Herri Lan eta Garraio Sailak Gorlizko Uresarantze auzoan BI-3158 errepidea hobetzeko lanei ekin die. 350 metroko luzera duen tarte horretan ibiltzea zaila da, galtzada behar bezain zabala ez delako, foru iturriek zehaztu dutenez. Orain arte, autobusak eta anbulantziak ezin ziren gurutzatu gainerako ibilgailuekin, eta gainera, ez zegoen espaloirik. 1,15 milioi euroko zenbatekoa duten lan horiek burutzeko epea zortzi hilabetekoa da. Sinatutako lankidetza-hitzarmenaren bidez, Gorlizko Udalak obrak egiteko beharrezkoa den hiri-lurzorua eman du. Herri Lan Sailak, aldiz, trazadura birmoldatuko du eta bihurgunea zuzenduko du "kurba" handiagoa emango dio, eta hala, ibilgailuen zirkulazioa hobetuko du. Halaber, espaloi bat eta oinezkoentzako ibilbide bat egingo ditu galtzadaren alde bietan. Argazkian, BI-3158 errepidea da Gorlizko ospitalerako sarbide bakarra, baita hondartzaren iparraldeko aparkalekurako ere / cc-by Javier Mediavilla Ezquibela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun