Asteazken honetan, martxoak 12, Alfredo García Arribas irakasle eta ikertzaileak hitzaldia eskainiko du Leioa eta Erandioko campusean, "Nanofabricación: síntesis y patronado de nanomateriales" izenburupean. Hitzordua 12:00etan jarri dute, EHUren Zientzia eta Teknologia Fakultateko gradu aretoan. "Nanoteknologia: txikiaren erronka handia" zikloaren bigarren hitzaldia izango da eta sarrera librea izango da. García Arribas EHUko Elektrizitatea eta Elektronika Saileko irakasle titularra da eta Basque Research Excellence Center for Materials-eko ikertzailea, unibertsitateko iturriek nabarmendu duetenez. Fisikaria da eta EHUn eskuratu zuen doktoregoa metodo elektrokimikoen bidez sintetizatutako material berriei buruzko tesi batekin. Nanosentsoreen ezaugarrien karakterizazioan aditua da, eta bere ikerketa lanak, batez ere, nanosentsoreetarako material eta ezaugarri berrien garapenera bideratuta daude. Sari ugari eskuratu ditu nanosentsoereen garapenaren esparruan egindako ekarpenei esker. Argazkian, Zientzia eta Teknologia Fakultatea.
García Arribasek emango duen hitzaldia "Nanoteknologia: txikiaren erronka handia" zikloko bigarrena izango da. Ziklo honek bere bigarren edizioa betetzen du aurten eta, oraingoan, nanoteknologiaren gaurkotasunarekin zerikusia duten bederatzi dibulgazio hitzaldik osatuko dute. Oinarri zientifiko bat duen edozein pertsonari zuzenduta dago ziklo hau, nahiz eta ez izan oinarri oso espezializatua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun