"Dagoeneko, aurreikusten dugu euskaltegietako ikasleek, berbalagunek eta Barandiaran Institutuko hainbat ikaslek parte hartuko dutela martxoaren 19ko berbodromoan", azaldu dute Leioako Berbalagun egitasmoko kideek. "Hala, aukera paregabea eskaini nahi diegu leioztarrei euskara praktikatuz hizkuntza ikasi eta euskaraz bizitzeko Hortaz, gogoan izan, martxoaren 19an goizean eta arratsaldean Leioako euskaldun guztiek hitzordua izango dutela Sakoneta kiroldegian. Gaur, euskara praktikatu; bihar, euskaraz bizi!", amaitu dutenez.
Ekimenaren kartela (jpg)
Leioako Berbalagun egitasmoak antolatuta gaur zortzi, martxoaren 19an, Berbodromoaren lehenengo edizioa egingo dute herrian. Goizez eta arratsaldez izango da, Sakoneta kiroldegian; goizean, 10:00etatik 11:30era; eta arratsaldean, 18:30etik 20:00ak arte. Berbalagun egitasmoa bezala, Berbodromoa ere elkarlaneren bitartez sortutako proiektua da; AEK-ko Lamia euskaltegiak eta Mastitxu udal-euskaltegiak Leioako Udalarekin batera egindako elkarlanaren ondorioa da. Horrez gain, ekimenaren antolakuntzan Leioako euskalgintzako Ongi etorri eta Berbalamine elkarteek ere hura antolatzen parte hartuko dute. Beraz, Berbodromoan parte hartzeko deia egin diete Leioako euskaldun orori antolatzaileek. Bertan, parte-hartzaileek hizpide izango dituzten gaiak, “Oporrak”, “Leioa eta euskara” eta “ Zarama” izango dira. Horrez gain, interesatuek izena emateko epea izango dute ostiral honetara arte, Mastitxu Udal euskaltegian, Lamia AEK euskaltegian edota leioa_berba[abildua]aek.org helbidean. Argazkian, joan den asteazkenean aurkeztu zuten Mintzodromoaren lehenengo edizioa Leioan / © Leioako Berbalagun egitasmoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun